നിരീക്ഷണ കാമറ; സൗദിയിൽ നിയമം ലംഘിച്ചാൽ 20,000 റിയാൽ വരെ പിഴ

റി​യാ​ദ്: സൗ​ദി മ​ന്ത്രി​സ​ഭ പാ​സാ​ക്കി​യ സു​ര​ക്ഷ നി​രീ​ക്ഷ​ണ കാ​മ​റ വ്യ​വ​സ്ഥ​ക​ൾ വാ​ണി​ജ്യ വെ​യ​ർ​ഹൗ​സു​ക​ൾ, ധ​ന​കാ​ര്യ സ്ഥാ​പ​ന​ങ്ങ​ൾ, ബാ​ങ്കു​ക​ൾ, എ​ക്സ്ചേ​ഞ്ച്, മ​ണി ട്രാ​ൻ​സ്ഫ​ർ സെ​ന്റ​റു​ക​ൾ, വാ​ണി​ജ്യ സ്ഥാ​പ​ന​ങ്ങ​ൾ എ​ന്നി​വ​ക്ക് ബാ​ധ​ക​മാ​ണെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. ക​ഴി​ഞ്ഞ ഒ​ക്ടോ​ബ​റി​ലാ​ണ് മ​ന്ത്രി​സ​ഭ ഇ​തു​മാ​യി ബ​ന്ധ​പ്പെ​ട്ട വ്യ​വ​സ്ഥ​ക​ൾ ന​ട​പ്പാ​ക്കി​യ​ത്.

ഹോ​ട്ട​ലു​ക​ൾ, സ്വ​കാ​ര്യ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ഷോ​പ്പി​ങ് മാ​ളു​ക​ൾ എ​ന്നി​വി​ട​ങ്ങ​ളി​ൽ സു​ര​ക്ഷ കാ​മ​റ നി​യ​മം ബാ​ധ​ക​മാ​ണെ​ന്ന് നേ​ര​ത്തേ മ​ന്ത്രാ​ല​യം വ്യ​ക്ത​മാ​ക്കി​യ​താ​ണ്. പൊ​തു, സ്വ​കാ​ര്യ ആ​രോ​ഗ്യ സ്ഥാ​പ​ന​ങ്ങ​ൾ, മെ​ഡി​ക്ക​ൽ സി​റ്റി​ക​ൾ, ആ​ശു​പ​ത്രി​ക​ൾ, ക്ലി​നി​ക്കു​ക​ൾ, താ​മ​സ കെ​ട്ടി​ട​ങ്ങ​ൾ, റെ​സി​ഡ​ന്റ്സ് കോം​പ്ല​ക്സു​ക​ൾ എ​ന്നി​വി​ട​ങ്ങ​ളി​ലും ഇ​ത് ബാ​ധ​ക​മാ​ണ്. എ​ന്നാ​ൽ, വ്യ​ക്തി​ക​ൾ സ്വ​കാ​ര്യ താ​മ​സ സ്ഥ​ല​ങ്ങ​ളി​ൽ സ്ഥാ​പി​ക്കു​ന്ന കാ​മ​റ​ക​ൾ ഇ​തി​ന്റെ പ​രി​ധി​യി​ൽ വ​രി​ല്ല. ടോ​യ്‍ല​റ്റ് പോ​ലു​ള്ള സ്ഥ​ല​ങ്ങ​ളി​ൽ കാ​മ​റ​ക​ൾ സ്ഥാ​പി​ക്ക​രു​ത്. കാ​മ​റ ന​ശി​പ്പി​ക്കു​ക​യോ റെ​ക്കോ​ഡ് ചെ​യ്യാ​തി​രി​ക്കു​ക​യോ വി​വ​ര​ങ്ങ​ൾ പ്ര​സി​ദ്ധീ​ക​രി​ക്കു​ക​യോ ചെ​യ്താ​ൽ 500 മു​ത​ൽ 20,000 റി​യാ​ൽ വ​രെ പി​ഴ​യു​ണ്ടാ​കും -മ​ന്ത്രാ​ല​യം അ​റി​യി​ച്ചു.