ഹജ്ജ് സീസണിൽ ‘സർജിക്കൽ റോബോട്ട്’ ഉപയോഗിക്കും

മ​ക്ക: ഈ ​വ​ർ​ഷം ഹ​ജ്ജ്​ സീ​സ​ണി​ൽ ഏ​റ്റ​വും പു​തി​യ മെ​ഡി​ക്ക​ൽ സാ​ങ്കേ​തി​ക വി​ദ്യ​ക​ളി​ലൊ​ന്നാ​യ സ​ർ​ജി​ക്ക​ൽ റോ​ബോ​ട്ട് ഉ​പ​യോ​ഗി​ക്കു​മെ​ന്ന്​ ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി. തൊ​റാ​സി​ക് സ​ർ​ജ​റി, യൂ​റോ​ള​ജി, ഗ​ർ​ഭാ​ശ​യ മു​ഴ​ക​ൾ, കു​ട​ൽ മു​ഴ​ക​ൾ, മ​ലാ​ശ​യ മു​ഴ​ക​ൾ എ​ന്നീ മേ​ഖ​ല​ക​ളി​ൽ സൂ​ക്ഷ്മ​വും സ​ങ്കീ​ർ​ണ​വു​മാ​യ ശ​സ്ത്ര​ക്രി​യ​ക​ൾ ന​ട​ത്തു​ന്ന​തി​നു​ള്ള ഏ​റ്റ​വും പു​തി​യ മെ​ഡി​ക്ക​ൽ സാ​ങ്കേ​തി​ക​വി​ദ്യ​ക​ളി​ലൊ​ന്നാ​ണി​ത്. ശ​സ്ത്ര​ക്രി​യ റോ​ബോ​ട്ടി​ന് ഉ​യ​ർ​ന്ന കൃ​ത്യ​ത​യു​ണ്ട്. ഇ​ത് മ​നു​ഷ്യ ശ​സ്ത്ര​ക്രി​യ​യു​ടെ ആ​വ​ശ്യ​ക​ത കു​റ​ക്കു​ന്നു.

യോ​ഗ്യ​രാ​യ സൗ​ദി സ​ർ​ജ​നു​ക​ളാ​ണ് ഇ​ത് പ്ര​വ​ർ​ത്തി​പ്പി​ക്കു​ക. ഇ​ത് രോ​ഗ​ശാ​ന്തി​ക്കു​ള്ള സ​മ​യ​ദൈ​ർ​ഘ്യം കു​റ​ക്കു​ക​യും രോ​ഗി​ക​ളു​ടെ സു​ര​ക്ഷ വ​ർ​ധി​പ്പി​ക്കു​ക​യും ആ​രോ​ഗ്യ സേ​വ​ന​ങ്ങ​ളു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കു​ക​യും ചെ​യ്യു​മെ​ന്നും മ​ന്ത്രാ​ല​യം പ​റ​ഞ്ഞു. ഈ ​വ​ർ​ഷ​ത്തെ ഹ​ജ്ജ് സീ​സ​ണി​നു​ള്ള ത​യ്യാ​റെ​ടു​പ്പു​ക​ളു​ടെ ഭാ​ഗ​മാ​യി നൂ​ത​ന പി.​ഇ.​ടി-​സി.​ടി സ്കാ​ന​ർ ഒ​രു​ക്കി​യ​താ​യും മ​ന്ത്രാ​ല​യം വെ​ളി​പ്പെ​ടു​ത്തി. പ​ടി​ഞ്ഞാ​റ​ൻ മേ​ഖ​ല​യി​ൽ ഇ​ത്ത​ര​ത്തി​ലു​ള്ള ആ​ദ്യ​ത്തേ​തും മെ​ഡി​ക്ക​ൽ സ്​​കാ​ന​ർ മേ​ഖ​ല​യി​ലെ ആ​ധു​നി​ക സാ​ങ്കേ​തി​ക​വി​ദ്യ​ക​ളി​ൽ ഏ​റ്റ​വും പ്ര​ധാ​ന​പ്പെ​ട്ട​തു​മാ​യ ഉ​പ​ക​ര​ണ​മാ​ണി​​തെ​ന്നും ആ​രോ​ഗ്യ മ​ന്ത്രാ​ല​യം പ​റ​ഞ്ഞു.