സുഡാനിലെ കിങ്​ അബ്​ദുല്ല വില്ലേജ്​ തുറന്നുകൊടുത്തു

റിയാദ്​: സൗദി അറേബ്യയുടെ സാമ്പത്തിക സഹായത്തിൽ  സുഡാനിൽ നിർമിക്കുന്ന കിങ്​ അബ്​ദുല്ല വില്ലേജി​​െൻറ ആദ്യഘട്ടം കഴിഞ്ഞദിവസം തുറന്നുകൊടുത്തു. സൗദി റെഡ്​ക്രസൻറ്​ അതോറിറ്റിയുടെ ഇൻറർനാഷനൽ അഫയേഴ്​സ്​ ആൻഡ്​ റിലീഫ്​ ഡിപ്പാർട്ട്​മ​െൻറ്​ ഡയറക്​ടർ അമീർ അബ്​ദുല്ല ബിൻ ഫൈസൽ ആണ്​ ഉദ്​ഘാടനം നിർവഹിച്ചത്​. 

സുഡാനിലെ സൗദി അംബാസഡർ അലി ഹുസൈൻ ജാഫർ ചടങ്ങിൽ സംബന്ധിച്ചു. അൽജാസിറ സ്​റ്റേറ്റിലെ ഉമ്മുൽഖുറ പ്രവിശ്യയിലാണ്​ പദ്ധതി നടപ്പാക്കുന്നത്​. 
ആദ്യഘട്ടത്തിൽ 240 കുടുംബങ്ങൾക്കുള്ള 120 ഹൗസിങ്​ യൂനിറ്റുകളാണ്​ കൈമാറിയത്​. രണ്ടു സ്​കൂളുകളും ഒരു ആരാധനാലയവും ഒരു ഹെൽത്ത്​ സ​െൻററും ഇവിടെയുണ്ട്​.  രണ്ടാം ഘട്ടത്തിൽ 460 കുടുംബങ്ങൾക്കുള്ള  230 യൂനിറ്റുകളാണ്​ പണി തീർക്കുന്നത്​. മൊത്തം 20 ലക്ഷം ഡോളറാണ്​ പദ്ധതി ചെലവ്​.