ശസ്​ത്രക്രിയ വിജയം​; ശൈഖയും ഷുമുഖും സുഖം പ്രാപിച്ചു

റിയാദ്​: സയാമീസ്​ ഇരട്ടകളെ വേർപ്പെടുത്തുന്നതിൽ ലോക പ്രശസ്​തി നേടിയ ഡോ. അബ്​ദുല്ല അൽറബീഅയുടെ 46ാമത്​ ശസ്​ത്ര​ക്രിയയും പൂർണ വിജയത്തിൽ. ഒക്​​േടാബർ 25ന്​ നാഷനൽ ഗാർഡ്​ മന്ത്രാലയത്തിന്​ കീഴിൽ റിയാദിലെ കിങ്​ അബ്​ദുൽ അസീസ്​ മെഡിക്കൽ സിറ്റി കിങ്​ അബ്​ദുല്ല ചിൽഡ്രൻസ്​ സ്​പെഷ്യലിസ്​റ്റ്​ ആശുപത്രിയിൽ നടത്തിയ ശസ്​ത്ര​ക്രിയയിലൂടെ വേർപ്പെട്ടത്​ സൗദി സയാമീസുകളായ ശൈഖയും ഷുമുഖുമാണ്​. നാലുമാസം പ്രായമുള്ള ഇൗ പെൺകുരുന്നുകൾ സുഖം പ്രാപിച്ചെന്നും ഒരാഴ്​ചക്ക്​ ശേഷം അവരുടെ ആരോഗ്യനില തൃപ്​തികരമാണെന്നും ഡോ. അബ്​ദുല്ല അൽറബീഅ അറിയിച്ചു. സൗദി ദമ്പതികൾക്ക്​ പിറന്ന സയാമീസുകളെ വേർപ്പെടുത്താൻ 12 മണിക്കൂർ ശസ്ത്രക്രിയയാണ്​ നടന്നത്​. ആറ്​ കിലോ വീതം ശരീരഭാരമുള്ള കുരുന്നുകളുടെ അടിവയറുകളും നാഭികളു​ം തമ്മിൽ ഒട്ടിച്ചേർന്ന അവസ്ഥയിലായിരുന്നു. ദഹന, പ്രത്യുൽപാദന വ്യവസ്​ഥകളും ഒരുമിച്ചായിരുന്നു​. ഇതെല്ലാം കൃത്യമായും കുറ്റമറ്റ രീതിയിലും വേർപ്പെടുത്തി. അതുകൊണ്ട്​ തന്നെ അതീവ സങ്കീർണമായിരുന്നു ഒാപറേഷൻ. വേർപ്പെട്ടതോടെ കുരുന്നുകൾ സ്വതന്ത്രരായി. ഒരാഴ്​ചക്ക്​ ശേഷം നടത്തിയ സമഗ്രപരിശോധനയിൽ ആരോഗ്യനില പൂർണമായും തൃപ്​തികരമാണ്​. വൈകാതെ തന്നെ ആശുപത്രി വിടാനാകും.
സൗദി മുൻ ആരോഗ്യ മന്ത്രിയും റോയൽ കോർട്ട്​ ഉപദേഷ്​ടാവും കിങ്​ സൽമാൻ ഹ്യുമാനിറ്റേറിയൻ ആൻഡ്​ റിലീഖ്​ സ​​െൻറർ (കെ.എസ്​ റിലീഫ്​) മേധാവിയുമാണ്​ ശസ്​ത്ര​ക്രിയക്ക്​ നേതൃത്വം നൽകിയ ഡോ. അബ്​ദുല്ല അൽറബീഅ. 30 ഡോക്​ടർമാരാണ്​ ശസ്​ത്രക്രിയയിൽ പങ്കാളിത്തം വഹിച്ചത്​. പുറമെ ​നിരവധി നഴ്​സിങ്​ ജീവനക്കാരും മറ്റ്​ പാരാമെഡിക്കൽ സാ​േങ്കതിക വിദഗ്​ധരും സഹായത്തിനുണ്ടായി.
സൽമാൻ രാജാവി​​​െൻറയും കിരീടവകാശി അമീർ മുഹമ്മദ്​ ബിൻ സൽമാ​​​െൻറയും നിർദേശാനുസരണമാണ്​ സയാമീസ്​ വേർപ്പെടുത്തൽ ഒാപറേഷൻ നടത്തിയത്​.