സൗദിയിൽനിന്ന്​ വിദേശ പണമയക്കലിൽ ഗണ്യമായ കുറവ്

ജി​ദ്ദ: സൗ​ദി അ​റേ​ബ്യ​യി​ൽ​നി​ന്ന്​ വി​ദേ​ശ​ത്ത്​ പ​ണ​മ​യ​ക്കു​ന്ന​തി​ൽ ഗ​ണ്യ​മാ​യ കു​റ​വ്. ഇ​ക്ക​ഴി​ഞ്ഞ ജൂ​ൺ മാ​സ​ത്തി​ലെ ക​ണ​ക്കി​ലാ​ണ്​ വ​ലി​യ കു​റ​വ്​ രേ​ഖ​പ്പെ​ടു​ത്തി​യ​ത്. രാ​ജ്യ​ത്തു​നി​ന്ന്​ സ്വ​ദേ​ശി​ക​ളു​ടെ​യും വി​ദേ​ശി​ക​ളു​ടെ​യും വി​ദേ​ശ പ​ണ​മ​യ​ക്ക​ലി​ലാ​ണ്​ കാ​ര്യ​മാ​യ കു​റ​വു​ണ്ടാ​യ​ത്. സൗ​ദി സെ​ൻ​ട്ര​ൽ ബാ​ങ്ക് (സാ​മ) പു​റ​ത്തു​വി​ട്ട ക​ണ​ക്കു​ക​ൾ​പ്ര​കാ​രം, ജൂ​ണി​ൽ വി​ദേ​ശ​ത്തു​ള്ള സൗ​ദി പൗ​ര​ന്മാ​രു​ടെ പ​ണ​മ​യ​ക്ക​ൽ 2022ലെ ​ഇ​തേ കാ​ല​യ​ള​വി​നെ അ​പേ​ക്ഷി​ച്ച് 24 ശ​ത​മാ​നം കു​റ​ഞ്ഞ് 5.16 ശ​ത​കോ​ടി റി​യാ​ലി​ലെ​ത്തി. ക​ഴി​ഞ്ഞ വ​ർ​ഷം ജൂ​ണി​ൽ ഇ​ത് ഏ​ക​ദേ​ശം 6.75 ശ​ത​കോ​ടി റി​യാ​ൽ ആ​യി​രു​ന്നു.

ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച് ഈ ​വ​ർ​ഷം ജൂ​ണി​ൽ രാ​ജ്യ​ത്തു​നി​ന്നു​ള്ള വി​ദേ​ശി​ക​ളു​ടെ പ​ണം കൈ​മാ​റ്റ​ത്തി​ൽ 18 ശ​ത​മാ​നം ഇ​ടി​വ് രേ​ഖ​പ്പെ​ടു​ത്തി. ഏ​ക​ദേ​ശം 10.8 ശ​ത​കോ​ടി റി​യാ​ലാ​ണ് ഇ​ക്ക​ഴി​ഞ്ഞ ജൂ​ണി​ൽ വി​ദേ​ശി​ക​ൾ പു​റ​ത്തേ​ക്ക​യ​ച്ച പ​ണം. എ​ന്നാ​ൽ, ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ ഇ​ത് 13.2 ശ​ത​കോ​ടി റി​യാ​ലാ​യി​രു​ന്നു. ക​ഴി​ഞ്ഞ മേ​യ് മാ​സ​ത്തെ അ​പേ​ക്ഷി​ച്ച് ജൂ​ണി​ൽ വി​ദേ​ശി​ക​ളു​ടെ പ​ണ​മ​യ​ക്ക​ലി​ൽ നാ​ലു ശ​ത​മാ​നം കു​റ​വ് വ​ന്ന​താ​യും സാ​മ പു​റ​ത്തു​വി​ട്ട ക​ണ​ക്കു​ക​ൾ കാ​ണി​ക്കു​ന്നു.