അബോധാവസ്ഥയിലായ ഇന്ത്യൻ നാവികനെ സൗദി സുരക്ഷാ വിഭാഗം രക്ഷിച്ചു

ജീസാൻ: ജീസാന് സമീപം യുദ്ധക്കപ്പലിൽ അബോധാവസ്ഥയിലായ ഇന്ത്യൻ നാവികനെ സൗദി സുരക്ഷാ വിഭാഗം രക്ഷപ്പെടുത്തി. ചെങ്കടലിന്‍റെ പടിഞ്ഞാറ് ഭാഗത്ത് ജീസാനിന് 51 മൈൽ അകലെയാണ് കപ്പലുണ്ടായിരുന്നത്. കപ്പലിൽ നിന്ന് ലഭിച്ച നിർദേശപ്രകാരം ജിദ്ദ മരിടൈം റെസ്ക്യൂ ആൻറ് സെർച്ച് സെന്‍റർ ഉദ്യോഗസ്ഥർ സ്ഥലത്തെത്തുകയായിരുന്നു.

ആരോഗ്യ ഉദ്യോഗസ്ഥരും ജീസാൻ തുറമുഖ പാസ്പോർട്ട് അധികൃതരും ചേർന്ന സംഘമാണ് രക്ഷക്കെത്തിയത്. 40 വയസ്സുള്ള നാവികന്‍റെ പേരുവിവരങ്ങൾ പുറത്തുവിട്ടിട്ടില്ല. അലെമിസ് ജനറൽ ഹോസ്പിറ്റലിൽ പ്രവേശിപ്പിച്ച നാവികൻ അപകടനില തരണംചെയ്തിട്ടുണ്ട്.