സ്​റ്റുഡൻറ്സ് ഇന്ത്യ യാത്രയയപ്പ് നൽകി

മക്ക: സ്​റ്റുഡൻറ്സ് ഇന്ത്യ മക്ക ഘടകം ഉന്നത പഠനത്തിന്​ നാട്ടിലേക്ക് പോകുന്ന അംഗങ്ങളായ വിദ്യാര്‍ഥികള്‍ക്ക് യാത്രയയപ്പ് നൽകി. അസീസിയ അൽമദ്​റസത്തുൽ ഇസ്്ലാമിയയില്‍ നടന്ന പരിപാടി സ്​റ്റുഡൻറ്സ് ഇന്ത്യ സോനൽ രക്ഷാധികാരി അബ്​ദുൽ ഹകീം ആലപ്പുഴ ഉദ്ഘാടനം ചെയ്തു. സാജിദ് പാറക്കൽ ‘അച്ചീവ് യുവർ ഡ്രീം’ എന്ന വിഷയത്തിൽ ഇൻററാക്ടീവ്‌ സെക്ഷൻ അവതരിപ്പിച്ചു. ക്വിസ്, ഗെയിംസ് മത്സരങ്ങൾ നടന്നു. വിജയികൾക്ക് റഫീഖ് ബദർ, ഖമറുന്നീസ അബ്്ദുല്ലത്തീഫ്, റിജുന ബഷീർ, സുഹാന റഷീദ്, റഷീദ് സഖാഫി, അബ്​ദുല്‍ ഗഫൂര്‍ എന്നിവർ സമ്മാനങ്ങൾ വിതരണം ചെയ്​തു. റിജുന ബഷീർ, കമറുന്നീസ, റഫീഖ് ബദർ, സാബിത് എന്നിവർ നേതൃത്വം നൽകി.