മോഷ്ടിച്ച ഡെലിവറി ബൈക്കിന്​​ തീവെച്ചു; 17കാരൻ കസ്റ്റഡിയിൽ

ദു​ബൈ: മോ​ഷ്ടി​ച്ച ഡെ​ലി​വ​റി ബൈ​ക്ക്​ തീ​വെ​ച്ചു​ ന​ശി​പ്പി​ച്ച കേ​സി​ൽ പി​ടി​യി​ലാ​യ 17കാ​ര​നെ ദു​ബൈ​യി​ലെ ജു​വ​നൈ​ൽ കോ​ട​തി ജു​ഡീ​ഷ്യ​ൽ ക​സ്റ്റ​ഡി​യി​ൽ വി​ട്ട​താ​യി ദു​ബൈ പ​ബ്ലി​ക്​ പ്രോ​സി​ക്യൂ​ഷ​ൻ അ​റി​യി​ച്ചു. കു​റ്റ​കൃ​ത്യ​ത്തി​ന്​ കൂ​ട്ടു​നി​ന്ന മ​റ്റൊ​രു കു​ട്ടി​യെ കു​ട്ടി​ക​ളു​ടെ കേ​സു​ക​ൾ കൈ​കാ​ര്യം​ചെ​യ്യു​ന്ന കോ​ട​തി​യു​ടെ പ​രി​ഗ​ണ​ന​ക്കു​ വി​ട്ടു.

ദു​ബൈ​യി​ലെ ഒ​രു റ​സ്റ്റാ​റ​ന്‍റി​നു​ സ​മീ​പം നി​ർ​ത്തി​യി​ട്ട ബൈ​ക്കാ​ണ്​ ഇ​രു​വ​രും ചേ​ർ​ന്ന്​ മോ​ഷ്ടി​ച്ച​ത്. തു​ട​ർ​ന്ന്​ മ​റ്റൊ​രു സ്ഥ​ല​ത്തേ​ക്ക് ഓ​ടി​ച്ചു​കൊ​ണ്ടു​പോ​യ​ശേ​ഷം​​ തീ​കൊ​ളു​ത്തു​ക​യാ​യി​രു​ന്നു. ബൈ​ക്കി​ന്‍റെ പെ​ട്രോ​ൾ പൈ​പ്പ്​ പു​റ​ത്തെ​ടു​ത്താ​ണ്​ തീ​കൊ​ളു​ത്തി​യ​തെ​ന്ന്​ പ​ബ്ലി​ക്​ പ്രോ​സി​ക്യൂ​ഷ​ൻ അ​റി​യി​ച്ചു. കു​ട്ടി​ക​ളു​ടെ മേ​ൽ എ​പ്പോ​ഴും ശ്ര​ദ്ധ​വേ​ണ​മെ​ന്ന്​ ര​ക്ഷി​താ​ക്ക​ളോ​ട്​ അ​ധി​കാ​രി​ക​ൾ അ​ഭ്യ​ർ​ഥി​ച്ചു.