ഐക്യത്തിനും സാഹോദര്യത്തിനും വേണ്ടി നിലകൊള്ളണം -തനിമ ഇഫ്താർ

റി​യാ​ദ്: മ​നു​ഷ്യ​ർ​ക്കി​ട​യി​ലും സ​മു​ദാ​യ​ങ്ങ​ൾ​ക്കി​ട​യി​ലും ഐ​ക്യ​ത്തി​നും സാ​ഹോ​ദ​ര്യ​ത്തി​നും വേ​ണ്ടി നി​ല​കൊ​ള്ളാ​നും പൊ​തു​താ​ൽ​പ​ര്യ​ങ്ങ​ൾ​ക്ക് വേ​ണ്ടി ഒ​രു​മ​യോ​ടെ മു​ന്നേ​റാ​നും ത​നി​മ ക​ലാ​സാം​സ്​​കാ​രി​ക വേ​ദി ഒ​രു​ക്കി​യ ഇ​ഫ്താ​ർ സം​ഗ​മം ആ​ഹ്വാ​നം ചെ​യ്തു.

റി​യാ​ദി​ലെ വി​വി​ധ സം​ഘ​ട​ന നേ​താ​ക്ക​ൾ, സാ​മൂ​ഹി​ക സാം​സ്കാ​രി​ക വാ​ണി​ജ്യ രം​ഗ​ത്തെ പ്ര​മു​ഖ​ർ എ​ന്നി​വ​രെ പ​ങ്കെ​ടു​പ്പി​ച്ചു കൊ​ണ്ട് ത​നി​മ സെ​ൻ​ട്ര​ൽ പ്രൊ​വി​ൻ​സ് സം​ഘ​ടി​പ്പി​ച്ച ഇ​ഫ്താ​ർ സം​ഗ​മ​ത്തി​ൽ പ്രൊ​വി​ൻ​സ് പ്ര​സി​ഡ​ൻ​റ്​ സി​ദ്ദീ​ഖ്‌ ജ​മാ​ൽ അ​ധ്യ​ക്ഷ​ത വ​ഹി​ച്ചു. അ​ഡ്വൈ​സ​റി കൗ​ൺ​സി​ൽ അം​ഗം റ​ഹ്​​മ​ത്തെ ഇ​ലാ​ഹി റ​മ​ദാ​ൻ സ​ന്ദേ​ശം ന​ൽ​കി.

പു​തി​യ സാ​ഹ​ച​ര്യ​ങ്ങ​ൾ മു​ന്നി​ൽ വ​രു​മ്പോ​ൾ ദു​ർ​ബ​ല​രാ​യി മാ​റ​രു​തെ​ന്നും ‘ശാ​ഹീ​ൻ​ബാ​ഗു’​ക​ൾ വീ​ണ്ടും സൃ​ഷ്​​ടി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. ആ​ത്മ​വി​ശു​ദ്ധി മാ​ത്ര​മ​ല്ല, പോ​രാ​ടാ​നു​ള്ള ക​രു​ത്തു കൂ​ടി​യാ​ണ് റ​മ​ദാ​ൻ പ്ര​ദാ​നം ചെ​യ്യു​ന്ന​ത്. ഫ​റോ​വ​യും ഹി​റ്റ്ല​രും മു​സ്സോ​ളി​നി​യും തു​ട​ങ്ങി​വെ​ച്ച ഫാ​ഷി​സ്​​റ്റ്​ ഭീ​ക​ര പ്ര​വ​ർ​ത്ത​ന​ങ്ങ​ൾ ച​രി​ത്ര​ത്തി​ൽ ആ​വ​ർ​ത്തി​ച്ചു കൊ​ണ്ടേ​യി​രി​ക്കും.

അ​തി​നോ​ട് പ്ര​തി​ക​രി​ക്കാ​നും പ്ര​തി​രോ​ധി​ക്കാ​നു​മു​ള്ള ശ​ക്തി റ​മ​ദാ​നി​ലെ വ്ര​ത​നാ​ളു​ക​ളി​ൽ​നി​ന്നും വി​ശ്വാ​സി​ക​ളു​ടെ കൂ​ടി​ച്ചേ​ര​ലു​ക​ളി​ൽ​നി​ന്നും ആ​ർ​ജി​ക്ക​ണം.

ധാ​ന​ധ​ർ​മ​ങ്ങ​ൾ ഒ​ഴു​കു​ന്ന മാ​സം, അ​പ​ര​ന് വെ​ളി​ച്ചം പ​ക​രേ​ണ്ട മാ​സം, സ്നേ​ഹ​വും സാ​ഹോ​ദ​ര്യ​വും പ​ങ്കി​ടേ​ണ്ട മാ​സം സ​വി​ശേ​ഷ​ത​ക​ൾ ഏ​റെ​യു​ള്ള ഈ ​സ​മ​യം സ​ഹ​ന​ത്തോ​ടെ​യും ധീ​ര​ത​യു​ടെ​യും മു​ന്നോ​ട്ട് പോ​കാ​ൻ അ​ദ്ദേ​ഹം പ്ര​വാ​സി നേ​താ​ക്ക​ളെ ഉ​ദ്ബോ​ധി​പ്പി​ച്ചു. മ​ല​സ്​ അ​ൽ​മാ​സ് ഓ​ഡി​റ്റോ​റി​യ​ത്തി​ൽ ന​ട​ന്ന ഇ​ഫ്താ​ർ വി​രു​ന്നി​ൽ റി​യാ​ദി​ലെ നൂ​റോ​ളം നേ​താ​ക്ക​ൾ സം​ബ​ന്ധി​ച്ചു.

വി​ദ്യാ​ർ​ഥി​യാ​യ ഫ​ഹ്‌​മി താ​ജ് ഖി​റാ​അ​ത്ത്​ നി​ർ​വ​ഹി​ച്ചു. പ്രൊ​വി​ൻ​സ് സെ​ക്ര​ട്ട​റി ആ​സി​ഫ് ക​ക്കോ​ടി ന​ന്ദി പ​റ​ഞ്ഞു. ല​ത്തീ​ഫ് ഓ​മ​ശ്ശേ​രി, സ​ലിം മാ​ഹി, അ​ഷ്ഫാ​ഖ് ക​ക്കോ​ടി, ഫൈ​സ​ൽ കൊ​ല്ലം എ​ന്നി​വ​ർ പ​രി​പാ​ടി​ക്ക് നേ​തൃ​ത്വം ന​ൽ​കി.