സൗദിയിലെ ലുലു ശാഖകളിൽ ശ്രീലങ്കൻ ഭക്ഷ്യമേള

റിയാദ്​: പവി​ഴ ദ്വീപി​െൻറ തനത്​ ഭക്ഷണ രുചിവൈവിധ്യം വിളിച്ചോതി ലുലു ഹൈപർമാർക്കറ്റി​െൻറ സൗദി ശാഖകളിൽ ശ്രീലങ്കൻ ​ഭക്ഷ്യമേളക്ക്​ തുടക്കമായി. തേയില, സുഗന്ധവ്യജ്ഞനങ്ങൾ, പച്ചക്കറി, അരി, നാള​ികേരോൽപന്നങ്ങൾ തുടങ്ങിയ തെരഞ്ഞെടുക്കപ്പെട്ട വിഭവങ്ങളാൽ ഷോപ്പിങ്​ കൂട നിറയ്​ക്കാൻ കഴിയുംവിധമാണ് 'ബെസ്​റ്റ്​ ഓഫ്​ ശ്രീലങ്ക'​ എന്ന മേള അണിയിച്ചൊരുക്കിയിരിക്കുന്നത്​.

റിയാദ്​ മുറബ്ബയിലെ ലുലു ഹൈപർമാർക്കറ്റിൽ ഒരുക്കിയ ചടങ്ങിൽ ശ്രീലങ്കൻ എംബസിയിലെ ചാർജ്​ ദ അഫയേഴ്​സ്​ ധുൽമിത്​ വരുണ ഒരാഴ്​ച നീളുന്ന മേളയുടെ ഔപചാരിക ഉദ്​ഘാടനം നിർവഹിച്ചു. ലുലു സൗദി ഹൈപർമാർക്കറ്റ്​സ്​ ഡയറക്​ടർ ഷെഹീം മുഹമ്മദും മറ്റ്​ ഉയർന്ന ഉദ്യോഗസ്​ഥരും ചടങ്ങിൽ പ​െങ്കടുത്തു. കൊളോണിയൽ കാലഘട്ടത്തിലെ ബ്രിട്ടീഷ്, ഡച്ച്, പോർച്ചുഗീസ്, കൂടാതെ ഇന്ത്യൻ പ്രത്യേകിച്ച് ദക്ഷിണേന്ത്യൻ, ഇന്തോനേഷ്യൻ തുടങ്ങിയ സാംസ്​കാരിക സ്വാധീനങ്ങളുടെ മിശ്രിത രൂപമായ ശ്രീലങ്കയുടെ തനതായ പാചക പാരമ്പര്യം ഉപഭോക്താക്കൾക്ക്​ അനുഭവവേദ്യമാക്കാനാണ് മേള സംഘടിപ്പിക്കുന്നതെന്ന്​ മാനേജ്​മെൻറ്​ വാർത്താക്കുറിപ്പിൽ അറിയിച്ചു.

ശ്രീലങ്കയുടെ ഉയർന്ന നിലവാരമുള്ള ഗ്രാമ്പൂ, കുരുമുളക്, കറുവപ്പട്ട, ശുചിത്വം, സുഗന്ധം തുടങ്ങിയ സുഗന്ധവ്യഞ്ജനങ്ങൾ ലഭ്യമാകും. മഞ്ഞൾ, മറ്റ് പച്ചമരുന്നുകൾ, ശ്രീലങ്കൻ തോട്ടങ്ങളിൽ നിന്നുള്ള വിശിഷ്​ടമായ തേയില, നാളികേരം കൊണ്ടുള്ള വിവിധ ഉൽപന്നങ്ങൾ എന്നിവ മേളയിലുണ്ട്​.

ലുലു ഹൈപ്പർമാർക്കറ്റ് ശ്രീലങ്കയിലെ മികച്ച ഉൽപ്പന്നങ്ങളുടെ ​ശ്രേഷ്​ഠവും സമൃദ്ധവുമായ ശേഖരം ഒരുമിച്ച് എത്തിച്ചിരിക്കുകയാണെന്നും ഇത് തീർച്ചയായും നമ്മുടെ രാജ്യത്തി​െൻറ രുചി അനുഭവിച്ചറിയാൻ എല്ലാ ഉപഭോക്താക്കൾക്കും മികച്ച അവസരമാണെന്നും ശ്രീലങ്കൻ എംബസിയിലെ ചാർജ്​ ദ അഫയേഴ്​സ്​ ധുൽമിത്​ വരുണ അഭിപ്രായപ്പെട്ടു.

ഉൽപന്നങ്ങൾ ശ്രീലങ്കയിലെ തങ്ങളുടെ സ്വന്തം സ്രോതസിൽ നിന്ന്​ നേരിട്ട്​ എത്തിക്കുന്നവയാണെന്ന്​ ലുലു സൗദി ഹൈപർമാർക്കറ്റ്​സ്​ ഡയറക്​ടർ ഷെഹീം മുഹമ്മദ്​ പറഞ്ഞു. ഒരാഴ്​ച നീളുന്ന മേള ഈ മാസം 14ന്​ അവസാനിക്കും.