സ്​പോൺസറെ കാണാതെ അലഞ്ഞ രോഗിക്ക്​ സാമൂഹ്യ പ്രവർത്തകർ തുണയായി

ദമ്മാം: കടുത്ത മാനസിക സംഘർഷത്തെ തുടർന്ന്​ ഒരു വശം തളർന്നു വീണ മധ്യവയസ്​കന്​ ​ സാമൂഹ്യ പ്രവർത്തകർ തുണയായി. ദമ് മാമിൽ ഹോട്ടൽ ജോലിക്കെത്തിയ ഹരിപ്പാട്​, താമല്ലാക്കൽ സു​ൈബർ (59)​ ആണ്​ മാസങ്ങൾ നീണ്ട ദുരിത ജീവിതങ്ങൾക്ക്​ ശേഷം ക ഴിഞ്ഞ ദിവസം നാടണഞ്ഞത്​. രണ്ട്​ കൊല്ലം മുമ്പ്​​ മരുമകൻ നൽകിയ വിസയിൽ സൗദിയിലെത്തിയ അദ്ദേഹത്തിന്​ സ്​പോൺസറുമാ യി ഒരു ബന്ധവുമുണ്ടായിരുന്നില്ല. ഹോട്ടൽ പണി നഷ്​ടപ്പെടുകയും വിവിധ രോഗങ്ങൾ കീഴ്​പെടുത്തുകയും ചെയ്​ത സു​ൈബെ ർ​ സ്​പാൺസറെ അറിയാത്തതിനാൽ നാട്ടിൽ പോകാനും കഴിയുമായിരുന്നില്ല.

ഇതിനിടയിൽ സുബൈറിനെ ഗൾഫിലെത്തിച്ച ആൾ മടങ്ങുകയും ചെയ്​തിരുന്നു. ലഭ്യമായ വിവരം അനുസരിച്ച്​ സ്​പോൺസർ റിയാദിലുണ്ടെന്ന ഉൗഹത്താൽ അവിടെയെത്തി ഏറെ അലഞ്ഞെങ്കിലും കണ്ടെത്താൻ കഴിഞ്ഞില്ല. ഇതോടെ നാട്ടിലെത്താൻ കഴിയില്ലെന്ന കടുത്ത മാനസിക സംഘർഷം കൂടിയായതോടെ സുബൈർ​ ഒരു വശം തളർന്നു വീഴുകയായിരുന്നു. പരസഹായമില്ലാതെ സ്വന്തം കാര്യങ്ങൾ പോലും ചെയ്യാൻ കഴിയാത്ത അവസ്​ഥയിൽ ബന്ധുവി​​െൻറ മുറിയിൽ അകപ്പെട്ടുപോയ സുബൈർ എല്ലാവർക്കും ഭാരമായി.

സുബൈറിനെ നാട്ടിലെത്തിക്കാനുള്ള സഹായമഭ്യർഥിച്ച്​ ബന്ധുക്കൾ മുട്ടാത്ത വാതിലുകളില്ല. സാമൂഹ്യ പ്രവർത്തകരുടെ ശ്രമഫലമായി പിന്നീട്​ സ്​പോൺസറെ കണ്ടെത്തിയെങ്കിലും ഒാൺലൈൻ സേവനം റദ്ദായതിനാൽ എക്​സിറ്റടിക്കാൻ കഴിയുമായിരുന്നില്ല. മറ്റെന്തെങ്കിലും മാർഗം തേടാനും തനിക്ക്​ കഴിയില്ലെന്നും സ്​പോൺസർ നിസ്സഹായതയോടെ ​ൈകമലർത്തി. സ്​പോൺസർ കനിയാതെ എക്​സി​റ്റടിക്കാൻ കഴിയില്ലെന്നറിയാമായിരുന്ന സാമൂഹ്യ പ്രവർത്തകരെല്ലാം അതോടെ ​ൈകവിട്ടു. ഒമ്പത്​ മാസത്തിലധികമായി രോഗ ശയ്യയിലായിരുന്ന സുബൈറിന്​​ ഇഖാമ കാലാവധി കഴിഞ്ഞതിനാൽ ചികിത്സ തേടാനും കഴിയുമായിരുന്നില്ല. ചില സുമനസ്സുകൾ എത്തിച്ച്​ നൽകിയ മരുന്നുകളും മറ്റുമായിരുന്നു ആകെ ആശ്വാസം. ഇടക്കൊക്കെ ചില ക്ലിനിക്കുകളുടെ സഹായത്താൽ ചെറിയ ചികിത്സകൾ ചെയ്യാനായി.

നാട്ടി​െലത്തി വിദഗ്​ധ ചികിത്സ ലഭിച്ചാൽ ഇദ്ദേഹത്തെ ജീവിതത്തിലേക്ക്​ തിരിച്ചെത്തിക്കാം എന്നായിരുന്നു ഡോക്​ടറു​െട നിർദേശം. അതി ദയനീയമായ ഇദ്ദഹത്തി​​െൻറ അവസ്​ഥ റിയാദിലുള്ള യൂസുഫാണ്​ സാമൂഹ്യ പ്രവർത്തകനായ നാസ്​ വക്കത്തി​​െൻറ ശ്രദ്ധയിൽ പെടുത്തുന്നത്. ഇദ്ദേഹത്തി​​െൻറ അവസ്​ഥയുടെ വീഡിയോ കണ്ട നാസ്​ സു​ൈബറിനെ നാട്ടിലെത്തിക്കാനുള്ള ദൗത്യം ഏറ്റെടുക്കുകയായിരുന്നു. റിയാദിൽ നിന്ന്​ ദമ്മാമിലെത്തിച്ച സുബൈറിനെ നാസ്​ ഡീപോർ​േട്ടഷൻ സ​െൻറർ അധികാരികളുടെ മുമ്പിൽ ഹാജരാക്കി ദയനീയ സ്​ഥിതി വിവരിച്ചു. ഇദ്ദേഹത്തി​​െൻറ സ്​പോൺസറുടെ ഒാൺലൈൻ സേവനം റദ്ദാണെന്ന്​​ ബോധ്യപ്പെട്ട അധികാരികൾ പ്രത്യേക അനുമതിയോടെ എക്​സ്​റ്റ്​ നൽകുകയായിരുന്നു. ഇതോടെ എത്രയും പെട്ടന്ന്​ നാട്ടിലെത്തിക്കുക എന്നതായി കടമ്പ.

എമിറേറ്റ്സ്​​ വിമാനത്തിൽ വീൽ ചെയറിൽ യാത്ര ചെയ്യാനുള്ള രേഖകൾ നൽകിയെങ്കിലും അനുമതി ലഭിക്കാൻ വൈകി. തുടർന്ന് ലങ്കൻ എയർ വെയ്​സി​​െൻറ സഹായം തേടുകയായിരുന്നു. വിവരങ്ങൾ അറിഞ്ഞപ്പോൾ വീൽ ചെയർ അനുമതിക്ക് കാലതാമസമെടുക്കുമെന്നതിനാൽ നിവർന്ന്​ നിന്ന്​ കാണിച്ചാൽ യാത്രാനുമതി നൽകാമെന്ന ഒരു ഉദ്യോഗസ്​ഥൻ അറിയിക്കുകയായിരുന്നു. നിയമങ്ങൾ മാറ്റിനിർത്തി ഒരു ഉദ്യോഗസ്​ഥൻ മനുഷ്യത്വ പരമായ തീരുമാനമെടുത്തതാണ്​ സുബൈറിന്​ തുണയായത്​. ബന്ധു ഇസ്​മായിലും എക്​സിറ്റിൽ നാട്ടിലേക്ക്​ പോകുന്ന ഹനീഫ മൂവാറ്റുപുഴയും താങ്ങി നിർത്തി പതുക്കെ സു​ൈബറിനെ വിമാനത്തിൽ എത്തിച്ചു. നാട്ടിൽ നേരെ ആശുപത്രിയിൽ പ്രവേശിപ്പിച്ച സുബൈർ സുഖം പ്രാപിച്ച്​ വരുന്നതായി കുടുംബം അറിയിച്ചു.