ബഹ്​റൈനിൽ കടകള്‍ കേന്ദ്രീകരിച്ച് മോഷണം നടത്തുന്നവർ പിടിയിൽ

മനാമ: കടകള്‍ കേന്ദ്രീകരിച്ച് മോഷണം നടത്തുന്നവരെന്ന് സംശയിക്കുന്നവരെ പിടികൂടിയതായി ഹൂറ പൊലീസ് സ്​റ്റേഷൻ വൃത്തങ്ങള്‍ അറിയിച്ചു. മോഷണവുമായി ബന്ധപ്പെട്ട് മനാമ സൂഖില്‍ നിന്നുള്ള വ്യാപാരികളുടെ പരാതി ഉയര്‍ന്നതി​​​െൻറ അടിസ്ഥാനത്തിലായിരുന്നു പൊലീസ് അന്വേഷണം നടത്തിയത്.

പിടികൂടപ്പെട്ടവര്‍ തന്നെയാണ് പ്രതികളെന്നാണ് പ്രാഥമിക നിഗമനം. ഇവരുടെ പക്കല്‍ നിന്നും അപഹരിക്കപ്പെട്ട വസ്തുക്കള്‍ കണ്ടെടുത്തിട്ടുണ്ട്. പിടികൂടപ്പെട്ടവരെ നിയമ നടപടികള്‍ക്കായി പബ്ലിക് പ്രൊസിക്യൂഷന് കൈമാറുമെന്നും പൊലീസ്​ അറിയിച്ചു.