കൊല്ലം സ്വദേശി ജുബൈലിൽ മരിച്ചു

ജുബൈൽ: മലയാളി ഹൃദയാഘാതം മൂലം ജുബൈലിൽ മരിച്ചു. സ്വകാര്യ ടാക്സി ഡ്രൈവർ കൊല്ലം കടമ്പനാട് പുത്തനമ്പലം ഐവർകാല സ്വദ േശി കുഴിവിള താന്നിക്കൽ വീട്ടിൽ ജിനു തങ്കച്ചൻ (36) ആണ് മരിച്ചത്. ജുബൈലിലെ പുതിയ സ്ഥലത്തേക്ക് താമസം മാറുന്നതിനാൽ സ ാധനങ്ങൾ മാറ്റുന്നതിനിടയിലായിരുന്നു മരണം.

മൂന്നു നിലയുടെ മുകളിൽ നിന്നും വസ്തുവകകൾ താഴെ വാഹനത്തിലേക്ക് മാറ്റുന്നതിനുള്ള ശ്രമത്തിനിടെ ദേഹാസ്വാസ്ഥ്യം വന്നു കുഴഞ്ഞുവീഴുകയായിരുന്നു. സ്റ്റെയർ കേസി​െൻറ പടികൾ ഓടി മുകളിൽ കയറുന്നതിനിടെ തളർന്നുവീണ ജിനുവിനെ കൂടെയുണ്ടായിരുന്നവർ ജുബൈൽ ജനറൽ ആശുപത്രിയിലെത്തിച്ചെങ്കിലും രക്ഷിക്കാനായില്ല.

മൃതദേഹം ജുബൈൽ ജനറൽ ആശുപത്രി മോർച്ചറിയിലാണ്. ഒന്നര വർഷം മുമ്പാണ് ജിനു ജുബൈലിൽ എത്തിയത്. തങ്കച്ചനും പരേതയായ സൂസമ്മയുമാണ് മാതാപിതാക്കൾ. ഭാര്യ: റിൻസി. മക്കൾ: അക്സ, ആഷിഷ്, ആഷ്ലി. ഏക സഹോദരൻ: അനു. തുടർനടപടികൾക്ക് സലിം ആലപ്പുഴ, തോമസ് മാത്യു മമ്മൂടൻ, ബൈജു അഞ്ചൽ എന്നിവർ രംഗത്തുണ്ട്.