ജമാൽ ഖശോഗിയുടെ ഘാതകർക്ക്​ മാപ്പ്​ നൽകി മക്കൾ

ജിദ്ദ: തുർക്കിയിൽ സൗദി കോൺസുലേറ്റിൽ കൊല്ല​പ്പെട്ട സൗദി പത്രപ്രവർത്തകൻ ജമാൽ ഖശോഗിയുടെ ഘാതകർക്ക്​ അദ്ദേഹത്തി​​​​​െൻറ മക്കൾ മാപ്പ്​ നൽകി. മകൻ  സ്വലാഹ്​ ഖശോഗിയാണ്​​ ഇക്കാര്യം അറിയിച്ചത്​​​. താനും സഹോദരങ്ങളും ഞങ്ങളുടെ പിതാവി​​​​​​െൻറ ഘാതകർക്ക്​​ മാപ്പ്​ നൽകുന്നതായുള്ള​ ജമാൽ ഖശോഗിയുടെ മകൻ  സ്വലാഹ്​ ഖശോഗിയുടെ ട്വിറ്റർ സന്ദേശം വെള്ളിയാഴ്​ച പുലർച്ചെയാണ്​ സൗദി പ്രാദേശിക ​പത്രങ്ങൾ റിപ്പോർട്ട് ചെയ്​തത്​​.

റമദാ​​​​​െൻറ അനുഗ്രഹീത രാവിൽ ദൈവ പ്രീതി  കാംക്ഷിച്ചാണ്​ ഇങ്ങനെയൊരു തീരുമാനമെടുത്തതെന്നും സന്ദേശത്തിൽ പറയുന്നു. ഏതൊരു മോശം പ്രവർത്തിക്കെതിരെയും സമാനമായ ശിക്ഷ നൽകാൻ ദൈവിക  കൽപനയുണ്ടെങ്കിലും ക്ഷമിക്കുന്നവരോട് ദൈവം കൂടുതൽ കരുണകാണിക്കുമെന്നുണ്ട്​. അതിന് ദൈവത്തിൽനിന്ന് പ്രതിഫലം ലഭിക്കുമെന്നും സാലെഹ് ട്വീറ്റ് ചെയ്തു.  മക്കളെല്ലാവരും ഈ തീരുമാനം അംഗീകരിക്കുന്നുവെന്നും സാലെഹ് കൂട്ടിച്ചേർത്തു.

2018 ഒക്ടോബറിലാണ് ഇസ്താംബുളിലെ സൗദി കോൺസുലേറ്റിൽ വെച്ച്​ ജമാൽ ഖശോഗി കൊല്ലപ്പെട്ടത്. കേസുമായി ബന്ധപ്പെട്ട് അഞ്ചുപരെ വധശിക്ഷക്ക് വിധിച്ചിരുന്നു. കൊലപാതകത്തിൽ നേരിട്ട് പങ്കെടുത്ത അഞ്ചു പ്രതികൾക്കായിരുന്ന വധശിക്ഷ.  കൊലപാതകത്തിൽ പങ്കാളികളായ മറ്റ് മൂന്നു പേർക്ക് 24 വർഷത്തെ ജയിൽ ശിക്ഷയും വിധിച്ചു.

വിധി പറയുന്ന നേരത്ത് ഖശോഗിയുടെ കുടുംബത്തി​​​​​െൻറ പ്രതിനിധികളും  തുർക്കി എംബസിയുടെ പ്രതിനിധികളും കോടതിയിലുണ്ടായിരുന്നു. റോയൽ കോർട്ട് ഉപദേശകൻ സഉൗദ്​ ഖഹ്താനിയെ ചോദ്യം ചെയ്തെങ്കിലും അദ്ദേഹത്തിനെതിരെ  കുറ്റം തെളിയിക്കാനായില്ല. അദ്ദേഹത്തെ കേസിൽ കുറ്റവിമുക്തനാക്കി. മുൻ ഡപ്യൂട്ടി ഇൻറലിജൻസ് മേധാവി അഹമ്മദ് അൽ അസീരിയയെും തെളിവില്ലാത്തതിനെ തുടർന്ന്  വിട്ടയച്ചു.