ഹജ്ജിനെത്തിയ സോമാലിയൻ കുട്ടിക്ക്​ ഹൃദയ ശസ്​ത്രക്രിയ

മിന: അറഫ സംഗമത്തിനിടെ ചികിത്സ തേടിയ സോമാലിയൻ കുട്ടിക്ക്​ ഹൃദയ ശസ്​ത്രക്രിയക്ക്​ നിർദേശം. പിതാവി​നോടൊപ്പം ഹജ്ജിനെത്തിയ അബ്​ദുല്ല മുഹമ്മദ്​ എന്ന നാല്​ വയസുകാരനാണ്​ ഹൃദയത്തിന്​ തകരാർ കണ്ടെത്തിയത്​. അടുത്താഴ്​ച മക്കയിലെ കുട്ടികളുടെ ആശുപത്രിയിലാണ്​  ശസ്​തക്രിയ. അറഫ സംഗമത്തിനിടയിൽ ആശുപത്രികളിൽ പ്രവേശിച്ചവരിൽ ഏറ്റവും പ്രായം കുറഞ്ഞ ആളാണ് ഇൗ കുട്ടി​.  

അറഫയിൽ  43245 തീർഥാടകർക്ക് ആരോഗ്യ സേവനം നൽകിയതായാണ്​ കണക്ക്​ ​. അറഫയിലൊരുക്കിയ നാല്​ ആശുപത്രികളിലും മെഡിക്കൽ സ​​െൻററുകളിലുമാണ്​ ​ ഇത്രയും പേർക്ക്​ സേവനം നൽകിയത്​. 915 പേർ​ അടിയന്തിര വിഭാഗത്തിൽ ചികിത്സ തേടി.  ഒരു പ്രസവം നടന്നു. അഞ്ച്​ പേർക്ക് കിഡ്​നി ഡയാലിസിസ്​  ചെയ്​തുവെന്നും ആരോഗ്യ മന്ത്രാലയം വ്യക്​തമാക്കി. പുണ്യസ്​ഥലങ്ങളിൽ ആരോഗ്യസേവനത്തിന്​ വിപുലമായ സംവിധാനങ്ങളാണ്​ ആരോഗ്യ വകുപ്പിന്​ കീഴിൽ ഒരുക്കിയിരിക്കുന്നത്​.