സോമാലിയൻ അഭയാർഥികൾക്ക്​  സഹായവുമായി സൗദിയും നോർവേയും

റിയാദ്​: സോമാലിയൻ അഭയാർഥികൾക്ക്​ സഹായം നൽകാൻ സൗദി അറേബ്യയുടെ കിങ്​ സൽമാൻ ഹ്യുമാനിറ്റേറിയൻ എയ്​ഡ്​ ആൻറ്​ റിലീഫ്​ സെ​ൻററും (കെ.എസ്​ റിലീഫ്​) നോർവേയും കരാർ ഒപ്പുവെച്ചു. കുടിവെള്ള ലഭ്യത, മലിനജല സംസ്​കരണം എന്നിവ ഉറപ്പാക്കുന്നതിനുള്ള കരാറിനാണ്​ വ്യാഴാഴ്​ച റിയാദിൽ ഒപ്പുവെച്ചത്​. 

നോർവീജയൻ റെഫ്യൂജി കൗൺസി​​​െൻറ (എൻ.ആർ.സി) സഹകരണത്തോടെ നടപ്പാക്കുന്ന പദ്ധതിയുടെ ആകെ ചിലവ്​ 20 ലക്ഷം ഡോളർ ആണ്​. 
കെ.എസ്​ റിലീഫ്​ ജനറൽ മാനേജർ ഡോ. അബ്​ദുല്ല അൽറാബിയ, എൻ.ആർ.സി ഗൾഫ്​ മേഖല ഡയറക്​ടർ അബീർ ശുബാസി എന്നിവരാണ്​ കരാറിൽ ​ഒപ്പിട്ടത്​. മേഖലയിലെ ജലപ്രശ്​നം പരിഹരിക്കുന്നതി​െനാപ്പം ആരോഗ്യവിദ്യാഭ്യാസവും പരിശീലനവും ഉറപ്പാക്കുകയും കരാറി​​​െൻറ ഭാഗമാണ്​. ഇരുസ്​ഥാപനങ്ങളും തമ്മിൽ ഇതാദ്യമായാണ്​ സഹകരിച്ചുള്ള പ്രവർത്തനത്തിൽ ഏർപ്പെടുന്നത്​. വരുംകാലത്തെ വിപുലമായ സഹകരണത്തിനുള്ള നാന്ദിയായിരിക്കും ഇൗ കരാറെന്ന്​ അബീർ ശുബാസി പ്രത്യാശിച്ചു.