അമേരിക്ക ആവശ്യപ്പെട്ടാല്‍ സിറിയയിലേക്ക് സൈന്യത്തെ അയക്കും - സൗദി

റിയാദ്​: അമേരിക്ക ആവശ്യപ്പെട്ടാല്‍ സിറിയയിലേക്ക് സൈന്യത്തെ അയക്കാന്‍ തയാറാണെന്ന് സൗദി അറേബ്യ. യു. എന്‍ സെക്രട്ടറി ജനറല്‍ അ​േൻറാണിയോ ഗുട്ടറസി​​​െൻറ സന്ദര്‍ശനത്തിനിടെയാണ് സൗദിയുടെ പ്രഖ്യാപനം. അറബ് വിശാല സഖ്യത്തി​​​െൻറ ഭാഗമായാണ് സിറിയയിലേക്ക് സൈന്യത്തെ അയക്കുക.  സിറിയയിലേക്ക്  അമേരിക്ക ആവശ്യപ്പെട്ടാല്‍ സൗദി സൈന്യം പുറപ്പെടുമെന്ന്​ വിദേശകാര്യമന്ത്രി ആദിൽ ജുബൈർ വ്യക്​തമാക്കി. അമേരിക്കന്‍ സഖ്യസേനയാണ് നിലവില്‍ സിറിയയില്‍ ആക്രമണം നടത്തിയത്. റഷ്യയുടെയും അസദ് ഭരണകൂടത്തി​​​െൻറയും ക്രൂരത നേരിടാനായിരുന്നു ഇത്. ഈ സഖ്യത്തിലേക്ക് ചേര്‍ക്കാന്‍ തയാറായാല്‍ സൗദി സൈന്യത്തെ അയക്കും.

സിറിയന്‍ പ്രശ്നം ഗുരുതരമായ കാലം മുതല്‍ തന്നെ സൈന്യ​െത്ത അയക്കുന്ന വിഷയം സൗദി മുന്നോട്ട് വെച്ചിരുന്നു. അമേരിക്കയുമായി ഇതിനുള്ള ചര്‍ച്ചകളും നടന്നു. ഒബാമ ഭരണകൂടത്തെയും ഇതു സംബന്ധിച്ച്​ സൗദി നിലപാട്​ അറിയിച്ചിരുന്നു. സൗദിയേയും അറബ് രാഷ്​ട്രങ്ങളേയും സഖ്യസേനയുടെ  ഭാഗമാക്കണമെന്നാണ്​ സൗദിയുടെ താൽപര്യം  ^ വിദേശകാര്യമന്ത്രി  പറഞ്ഞു. ഏതു സൈന്യത്തെയാണ് അയക്കുക എന്ന് തീരുമാനിച്ചിട്ടില്ല. അതി​​​െൻറ ചര്‍ച്ചകള്‍ പുരോഗമിക്കുകയാണ്. യമനിലെ സൈനിക നടപടി പുരോഗമിക്കുന്നതിനിടെയാണ് സിറിയയിലേക്കും സൗദി സൈന്യത്തെ അയക്കുന്നത്.   യമനിൽ സൗദി യുദ്ധം ആഗ്രഹിച്ചതല്ല. ഹൂതികളുടെ കടുംപിടുത്തമാണ്​ യുദ്ധത്തിലേക്ക്​ നയിച്ചത്​. ഹൂതികൾ നടത്തുന്നത്​ ഭീകരതയാണ്​. ഇറാൻ നിർമിത മിസൈലുകൾ സൗദി ജനവാസമേഖലയിലേക്ക്​ വിക്ഷേപിക്കുകയാണ്​​ ഹൂതികൾ. സിവിലയൻ കേ​ന്ദ്രങ്ങളിൽ ഹൂതികൾ മൈനുകൾ  പാകുന്നു.

യമനിലെ കുട്ടികളെ യുദ്ധത്തിൽ പ​െങ്കടുക്കുന്നതിന്​ റിക്രൂട്ട്​ ചെയ്യുന്നു. അന്തരാഷ്​ട്ര നിയമങ്ങളുടെ  തുടർച്ചയായ ലംഘനമാണിതെല്ലാമെന്ന്​ ആദിൽ ജുബൈർ പറഞ്ഞു. യമനിൽ ദുരിതാശ്വാസത്തിന്​ 50 കോടി ഡോളർ നൽകിയ സൗദിയെ യു.എൻ സെക്രട്ടറി ജനറൽ പ്രശംസിച്ചു. അന്താരാഷ്​ട്ര ഭീകരവിരുദ്ധ പോരാട്ട കേന്ദ്രത്തിന്​ സൗദിയുടെ സഹായം അനിവാര്യമാണ്​. യമനിലും സിറിയയിലും രാഷ്​ട്രീയ പരിഹാരം മാത്രമാണ്​ പോംവഴിയെന്നും യു.എൻ സെക്രട്ടറി ജനറൽ പറഞ്ഞു.