സാമൂഹികപ്രവർത്തകൻ അബ്​ദുൽ സലീം നിര്യാതനായി

ദമ്മാം​: മൂന്ന് പതിറ്റാണ്ടിലധികമായി സൗദി കിഴക്കൻ പ്രവിശ്യയിലെ അൽ അഹ്സയിൽ പ്രവാസിയായ തിരുവനന്തപുരം പോത്തൻകോട് കൊയ്ത്തൂർകോണം സ്വദേശി അബ്​ദുൽ സലീം ഹൃദയാഘാതംമൂലം നിര്യാതനായി. ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് സ്വയം വാഹനമോടിച്ച് അൽഅഹ്സ ജാഫർ ആശുപത്രിയിൽ എത്തിയെങ്കിലും ചികത്സയിലിരിക്കെ മരണം സംഭവിക്കുകയായിരുന്നു.

ഒ.ഐ.സി.സി അൽ അഹ്സ കമ്മിറ്റി എക്സിക്യൂട്ടിവ് മെംബറും സാമൂഹിക സാംസ്കാരിക പ്രവർത്തകനുമായിരുന്നു അബ്​ദുൽ സലീം. മൃതദേഹം നാട്ടിലേക്ക് കൊണ്ട് പോകുന്നതിനുള്ള നിയമ നടപടിക്രമങ്ങൾ പൂർത്തിയാക്കാൻ അൽ അഹ്സ ഒ.ഐ.സി.സി പ്രവർത്തകർ രംഗത്തുണ്ട്. ഭാര്യ: ഹസീന. മക്കൾ: ഹാരിസ്, സുബ്ഹാന. അബ്ദുൽ സലീമിന്റെ വേർപാടിൽ അൽ അഹ്സ ഒ.ഐ.സി.സി അനുശോചിച്ചു.