അൽലൗസ്​ മലനിരകളിൽ വീണ്ടും മഞ്ഞുവീഴ്​ച

തബൂക്ക്​: തബൂക്കിലെ അൽ​ലൗസ്​ മലനിരകളിൽ വീണ്ടും മഞ്ഞുവീഴ്​ച​. ചൊവ്വാഴ്​ച രാത്രി മുതൽ തുടങ്ങിയ മഞ്ഞുവീഴ്​ച ബുധനാഴ്​ച രാവിലെ വരെ തുടർന്നു. മലനിരകളാകെ വെള്ള​പുതച്ച നിലയിലാണ്​​. പ്രദേശത്ത്​ തണുപ്പും ശക്തമായിട്ടുണ്ട്​.

ഒരാഴ്​ച മുമ്പ്​ സമാനമായ നിലയിൽ​​​ അൽലൗസ് മലനിരകളിൽ ശക്തമായ മഞ്ഞു​ വീഴ്​ചയുണ്ടായിരുന്നു​. തബൂക്കിലും പരിസര പ്രദേശങ്ങളിലുമുള്ള നിരവധി ആളുകൾ മലനിരകൾ മഞ്ഞ്​ പുതച്ചത്​ കാണാനെത്തുന്നുണ്ട്​. ഇതൊരു വിനോദസഞ്ചാര കേന്ദ്രമായി മാറിയിട്ടുണ്ട്​.

നിരവധി പേരാണ്​ ഇപ്പോഴും സ്ഥലത്തെത്തു​ന്നത്​. പ്രദേശത്തെ മനോഹരമായ ദൃശ്യങ്ങൾ കാമറകളിൽ ഒപ്പിയെടുക്കാൻ സ്യൂട്ട്​ ധരിച്ച്​ ഫോട്ടോഗ്രാഫർമാരും സ്ഥലത്തെത്തിയിട്ടുണ്ട്​.