സൗദിയിൽ കോവിഡ്​ മുക്തി നിരക്കിൽ നേരിയ കുറവ്​

റിയാദ്: സൗദി അറേബ്യയിൽ കോവിഡ്​ ബാധിച്ച്​ രോഗം ഭേദമാവുന്നരുടെ പ്രതിദിന കണക്കിൽ നേരിയ കുറവ്​. 24 മണിക്കൂറിനിടെ 36 പേർ സുഖം പ്രാപിച്ചപ്പേൾ 42 പേർക്കാണ്​ പുതുതായി രോഗം സ്ഥിരീകരിച്ചത്​.

രാജ്യത്താകെ മൂന്ന്​​​ മരണവും റിപ്പോർട്ട്​ ചെയ്​തു​. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,47,357 ഉം രോഗമുക്തരുടെ എണ്ണം 5,36,406 ഉം ആയി. ആകെ മരണസംഖ്യ 8,730 ആയി ഉയർന്നു. രോഗബാധിതരിൽ 163 പേരുടെ നില ഗുരുതരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 13, ജിദ്ദ 4, നജ്​റാൻ 3, മക്ക 2, ഖോബാർ 2, അൽകാമിൽ 2, മറ്റ്​ 18 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 42,595,656 ഡോസ് കോവിഡ്​ വാക്​സിൻ വിതരണം ചെയ്​തു.