ബലിയറുക്കൽ; ഇറക്കുമതി ചെയ്​ത മൃഗങ്ങളെ പരിശോധനക്ക്​ വിധേയമാക്കി

ജി​ദ്ദ: ഹ​ജ്ജ്​ വേ​ള​യി​ൽ ബ​ലി​യ​റു​ക്കാ​നാ​യി ഇ​റ​ക്കു​മ​തി ചെ​യ്​​ത 351,700 ക​ന്നു​കാ​ലി​ക​ളെ ഇ​തു​വ​രെ ആ​രോ​ഗ്യ പ​രി​ശോ​ധ​ന​ക്ക്​ വി​ധേ​യ​മാ​ക്കി​യ​താ​യി പ​രി​സ്ഥി​തി, കൃ​ഷി മ​ന്ത്രാ​ല​യം വ്യ​ക്ത​മാ​ക്കി. ഹ​ജ്ജ് സീ​സ​ണി​നാ​യു​ള്ള പ്ര​വ​ർ​ത്ത​ന പ​ദ്ധ​തി​യു​ടെ ഭാ​ഗ​മാ​ണ്​ ന​ട​പ​ടി. വ​രും ദി​വ​സ​ങ്ങ​ളി​ൽ കൂ​ടു​ത​ൽ ബ​ലി​മൃ​ഗ​ങ്ങ​ൾ എ​ത്തും.

പ​രി​ശോ​ധ​ന തു​ട​രും. ഹ​ജ്ജ് സീ​സ​ണി​നാ​യി മ​ന്ത്രാ​ല​യ​ത്തി​​ന്റെ സം​വി​ധാ​നം പൂ​ർ​ണ​മാ​യും ത​യാ​റാ​ണെ​ന്ന് വ​ക്താ​വ് സാ​ലി​ഹ് ബി​ൻ ദാ​ഖി​ൽ പ​റ​ഞ്ഞു. പ​രി​സ്ഥി​തി, ജ​ലം, കാ​ർ​ഷി​ക, ആ​രോ​ഗ്യ മേ​ഖ​ല​ക​ളി​ൽ തീ​ർ​ഥാ​ട​ക​ർ​ക്ക് മി​ക​ച്ച സേ​വ​ന​ങ്ങ​ൾ ന​ൽ​കു​ന്ന​തി​നും ക​ർ​മ​ങ്ങ​ൾ സു​ഗ​മ​വും സു​ഖ​ക​ര​വു​മാ​യി നി​ർ​വ​ഹി​ക്കാ​ൻ സൗ​ക​ര്യ​മൊ​രു​ക്കു​ന്ന​തി​നും നേ​തൃ​ത്വ​ത്തി​​ന്റെ നി​ർ​ദേ​ശ​ങ്ങ​ൾ ന​ട​പ്പാ​ക്കു​ന്ന​തി​നും സൗ​ദി വി​ഷ​ൻ 2030 ന്റെ ​ല​ക്ഷ്യ​ങ്ങ​ൾ​ക്ക് അ​നു​സൃ​ത​മാ​യും എ​ല്ലാ മേ​ഖ​ല​ക​ളും ത​മ്മി​ലു​ള്ള ഏ​കോ​പ​ന​വും സം​യോ​ജ​ന​വും അ​ദ്ദേ​ഹം ചൂ​ണ്ടി​ക്കാ​ട്ടി. മ​ക്ക​യി​ലെ​യും മ​ദീ​ന​യി​ലെ​യും മ​ന്ത്രാ​ല​യ ശാ​ഖ​ക​ളു​ടെ ത​യാ​റെ​ടു​പ്പു​ക​ളി​ൽ സ്വ​കാ​ര്യ ക​ശാ​പ്പു​ശാ​ല​ക​ൾ​ക്കും പൊ​തു​വി​പ​ണി​ക​ൾ​ക്കു​മേ​ലു​ള്ള മേ​ൽ​നോ​ട്ട​വും ഉ​ൾ​പ്പെ​ട്ടി​ട്ടു​ണ്ടെ​ന്നും ദാ​ഖി​ൽ സൂ​ചി​പ്പി​ച്ചു.