സൗദി നാഷനൽ ഗാർഡ് കാമ്പസിൽ ആറാമത്തെ ലുലു സ്​റ്റോർ തുറന്നു

ദമ്മാം: ആഗോള റി​െട്ടയിൽ ശൃംഖലയായ ലുലു തങ്ങളുടെ 197ാമത്​ ശാഖ അൽഅഹ്​സയിൽ ആരംഭിച്ചു. സൗദി നാഷനൽ ഗാർഡ്​ കാമ്പസിലാണ്​ ലുലു എക്​സ്​പ്രസ്​ സ്​റ്റോർ തുറന്നത്​. ലുലു ഗ്രൂപ്​​ ചെയർമാൻ എം.എ. യുസുഫ്​ അലിയുടേയും മറ്റ്​ പ്രമുഖരുടേയും സാന്നിധ്യത്തിൽ കിങ്​​ അബ്​ദുല്ല റെസിഡൻഷ്യൽ സിറ്റി നാഷനൽ ഗാർഡ്​ ഡയറക്​ടർ നബീൽ അൽഹൊലൈബ ഉദ്​ഘാടനം ചെയ്​തു.

അൽമുബറസിലെ നാഷനൽ ഗാർഡ്​ ഹൗസിങ്​​ സിറ്റിയിൽ അത്യാധുനിക സംവിധാനങ്ങളോടെയാണ്​ എക്​സ്പ്രസ്​ സ്​റ്റോർ സജ്ജീകരിച്ചിരിക്കുന്നത്​​. തങ്ങൾക്ക്​ നാഷനൽ ഗാർഡ്​ ഹൗസിങ്​​ സിറ്റിയിൽ ലുലുവിന്​ ഇടം തന്ന അധികൃതരോട്​ നന്ദി പറയുന്നതായി ചെയർമാൻ യുസുഫ്​ അലി പറഞ്ഞു. ഉയർന്ന നിലവാരമുള്ള ഉൽപന്നങ്ങൾ മിതമായ നിരക്കിൽ ലഭ്യമാക്കാൻ തങ്ങൾ പ്രതിജ്ഞാബദ്ധരാ​െണന്നും അദ്ദേഹം കൂട്ടിച്ചേർത്തു.

നാഷനൽ ഗാർഡ് കാമ്പസുകളിലെ ലുലുവി​െൻറ ആറാമത്തെ സ്​റ്റോറും സൗദി അറേബ്യയിലെ 19ാമത് ഒൗട്ട്​ലെറ്റുമാണ് ഉദ്​ഘാടനം ചെയ്യപ്പെട്ടത്​. സൗദിയിൽ ലുലു ഗ്രൂപ്പി​െൻറ വിപുലീകരണ പദ്ധതികളുടെ ഭാഗമായി അടുത്ത രണ്ട് വർഷത്തിനുള്ളിൽ 21 പുതിയ ഹൈപർമാർക്കറ്റുകളും എക്സ്പ്രസ് സ്​റ്റോറുകളും തുറക്കും.

അതോടൊപ്പം കൂടുതൽ സ്വദേശികൾക്ക്​ തൊഴിൽ അവസരങ്ങൾ ലഭ്യമാക്കുമെന്നും സൗദി ഡയറക്​ടർ ഷെഹിം മുഹമ്മദ് പറഞ്ഞു. അന്തർദേശീയ ഉൽ‌പ്പന്ന ശ്രേണിക്ക് പുറമെ, എല്ലാ വിഭാഗങ്ങളിലും വൻ വിലക്കിഴിവുകളും ബണ്ടിൽ‌ ഡീലുകളുമുള്ള ഉദ്ഘാടന ഓഫറുകൾ‌ ഇതോടൊപ്പം ആരംഭിച്ചിട്ടുണ്ട്​. ലുലു കിഴക്കൻ പ്രവിശ്യാ റീജനൽ ഡയറക്ടർ അബ്​ദുൽ ബഷീർ, മറ്റ് മുതിർന്ന ഉദ്യോഗസ്ഥർ, വിശിഷ്​ടാതിഥികൾ എന്നിവരും ചടങ്ങിൽ പങ്കെടുത്തു.