നാളെ മുതൽ ചെമ്മീൻ ചാകര; കടൽത്തീരങ്ങളിൽ ഉത്സവനാളുകൾ

ദ​മ്മാം: ആ​റു​മാ​സം നീ​ണ്ട ട്രോ​ളി​ങ്​ നി​രോ​ധ​നം വ്യാ​ഴാഴ്ച അ​വ​സാ​നി​ക്കു​ന്ന​തോ​ടെ സൗ​ദി​യി​ൽ ചെ​മ്മീ​ൻ ചാ​ക​ര ആ​രം​ഭി​ക്കും. ആ​റു​മാ​സ​ത്തി​ല​ധി​കം കാ​ത്തി​രു​ന്ന​തി​ന് ശേ​ഷ​മു​ള്ള ചാ​ക​ര​ക്കാ​ലം ആ​ഘോ​ഷ​മാ​ക്കാ​നു​ള്ള ഒ​രു​ക്ക​ത്തി​ലാ​ണ് ഈ ​മേ​ഖ​ല​യി​ൽ ജോ​ലി​ചെ​യ്യു​ന്ന മ​ല​യാ​ളി​ക​ളു​ൾ​പ്പ​ടെ​യു​ള്ള​വ​ർ. വ​ർ​ഷ​ങ്ങ​ൾ നീ​ണ്ട ഉ​പ​രോ​ധ​ങ്ങ​ൾ​ക്ക് ശേ​ഷം ഖ​ത്ത​റു​മാ​യു​ള്ള വ്യാ​പാ​ര ബ​ന്ധം പു​ന​ഃസ്ഥാ​പി​ച്ച​ത് മ​ത്സ്യ​മേ​ഖ​ലി​യി​ൽ പു​ത്ത​നു​ണ​ർ​വു​ണ്ടാ​ക്കു​മെ​ന്ന പ്ര​തീ​ക്ഷ​യി​ലാ​ണ് തൊ​ഴി​ലാ​ളി​ക​ൾ.

ചെ​മ്മീ​ൻ പ്ര​ജ​ന​ന​കാ​ലം സം​ര​ക്ഷി​ക്കു​ന്ന​തി​നാ​ണ് ആ​റു​മാ​സം ട്രോ​ളി​ങ്​ നി​രോ​ധ​നം ഏ​ർ​പ്പെ​ടു​ത്തു​ന്ന​ത്. ഈ ​സ​മ​യ​ത്താ​ണ് മ​ത്സ്യ​ബ​ന്ധ​ന​മേ​ഖ​ല​യി​ലെ തൊ​ഴി​ലാ​ളി​ക​ൾ അ​ധി​ക​വും അ​വ​ധി​ക്കാ​യി നാ​ട്ടി​ലേ​ക്ക് പോ​വു​ന്ന​ത്. ട്രോ​ളി​ങ്​ നിരോധം അ​വ​സാ​നി​ക്കു​ന്ന​ത്​ നോ​ക്കി​യാ​ണ്​ അ​വ​ർ തി​രി​ച്ചെ​ത്തു​ന്ന​ത്. പി​ന്നീ​ടു​ള്ള ആ​റു​മാ​സം ചാ​ക​ര​യു​ടെ കാ​ല​മാ​ണ്. തൊ​ഴി​ലാ​ളി​ക​ൾ രാ​പ്പ​ക​ലി​ല്ലാ​തെ ​ജോ​ലി​യി​ൽ മു​ഴു​കു​ക​യും ചെ​യ്യും.

ഇ​തി​ന​കം അ​വ​ധി​ക​ഴി​ഞ്ഞ് തി​രി​ച്ചെ​ത്തി​യ​വ​ർ മ​ത്സ്യ​ബ​ന്ധ​ന​ത്തി​നു​ള്ള വ​ല​ക​ളു​ടെ കേ​ടു​പാ​ടു​ക​ൾ തീ​ർ​ക്ക​ലും തു​ന്ന​ലും ഉ​ൾ​പ്പെടെ​യു​ള്ള അ​റ്റ​കു​റ്റ​പ്പ​ണി​ക​ൾ പൂ​ർ​ത്തീ​ക​രി​ച്ചു ക​ഴി​ഞ്ഞു. വ്യാ​ഴാ​ഴ്​​ച (ജൂ​ലൈ 31) അ​ർ​ധ​രാ​ത്രി​യോ​ടെ ബോ​ട്ടു​ക​ൾ ക​ട​ലി​ലേ​ക്ക് പു​റ​പ്പെ​ടും. പ​രി​സ്ഥി​തി ജ​ല കൃ​ഷി മ​ന്ത്രാ​ല​യം ഡ​യ​റ​ക്ട​ർ ഉ​ൾ​പ്പെ​ടെ​യു​ള്ള ഉ​ദ്യോ​ഗ​സ്ഥ​രും പൗ​ര​പ്ര​മു​ഖ​രും ഇ​തി​ന് സാ​ക്ഷ്യം വ​ഹി​ക്കാ​നെ​ത്തും. ഫാ​മു​ക​ളി​ൽ വ​ള​ർ​ത്തു​ന്ന ചെ​മ്മീ​നു​ക​ൾ വി​പ​ണി​യി​ൽ സാ​ധാ​ര​ണ ല​ഭ്യ​മാ​ണ​ങ്കി​ലും ക​ട​ലി​ൽ നി​ന്നു​വ​രു​ന്ന ചെ​മ്മീ​നു​ക​ൾ​ക്കാ​ണ്​ പ്രി​യ​മേ​റെ. രു​ചി​യും ഗു​ണ​വും തി​ക​ഞ്ഞ​താ​ണ് സൗ​ദി കി​ഴ​ക്ക​ൻ പ്ര​വി​ശ്യ​യി​ലെ ​ക​ട​ൽ​ഭാ​ഗ​ങ്ങ​ളി​ൽ​നി​ന്ന്​ പി​ടി​ക്കു​ന്ന ചെ​മ്മീ​നു​ക​ൾ. വ​ൻ​കി​ട ഹോ​ട്ട​ലു​ക​ളും ക​റ്റ​റി​ങ്​ സെൻറ​റു​ക​ളും അ​ടു​ത്ത ഒ​രു വ​ർ​ഷ​ത്തേ​ക്കു​ള്ള ചെ​മ്മീ​നു​ക​ൾ ഈ ​സീ​സ​ൺ കാ​ല​ത്താ​ണ് ശേ​ഖ​രി​ക്കു​ന്ന​ത്.

കി​ഴ​ക്ക​ൻ പ്ര​വി​ശ്യ​യി​ൽ വ​ട​ക്ക്​ ഖ​ഫ്ജി മു​ത​ൽ അ​ൽ അ​ഹ്​​സ​യു​ടെ തെ​ക്ക് ഉ​ഖൈ​ർ വ​രെ​യു​ള്ള അ​റേ​ബ്യ​ൻ ഉ​ൾ​ക്ക​ട​ൽ ഭാ​ഗ​ത്താ​ണ്​ മ​ത്സ്യ​ബ​ന്ധ​ന​ത്തി​ന്​ അ​നു​മ​തി. ട്രോ​ളി​ങ്​ നി​രോ​ധ​നം അ​വ​സാ​നി​ച്ച​തോ​ടെ 300 ബോ​ട്ടു​ക​ൾ​ക്ക് ക​ട​ലി​ൽ പോ​കാ​നു​ള്ള പെ​ർ​മി​റ്റ്​ ന​ൽ​കി​യ​താ​യി പ​രി​സ്ഥി​തി, ജ​ല, കൃ​ഷി മ​ന്ത്രാ​ല​യം അ​റി​യി​ച്ചു. നി​ര​ന്ത​ര​മാ​യ ക​ട​ൽ നി​ക​ത്ത​ൽ സൗ​ദി​യി​ലെ മ​ത്സ്യ​സ​മ്പ​ത്തി​ന് കാ​ര്യ​മാ​യ നാ​ശം നേ​രി​ടാ​ൻ കാ​ര​ണ​മാ​യി​രു​ന്നു. ഇ​ത് തി​രി​ച്ച​റി​ഞ്ഞ്​ അ​ധി​കൃ​ത​ർ ഇ​തി​നെ​തി​രെ ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ച്ചു തു​ട​ങ്ങി​യി​ട്ടു​ണ്ട്. കി​ലോ​മീ​റ്റ​റു​ക​ളോ​ളം ക​ണ്ട​ൽ​ക്കാ​ടു​ക​ൾ പു​ന​രു​ജ്ജീ​വി​പ്പി​ച്ച​ത്​ ഇ​തി​​ന്റെ ഭാ​ഗ​മാ​ണ്.

മ​ത്സ്യ​ബ​ന്ധ​ന മേ​ഖ​ല​യി​ൽ ജോ​ലി​ചെ​യ്യു​ന്ന ത​ങ്ങ​ൾ​ക്ക് ഏ​റെ പ്ര​തീ​ക്ഷ ന​ൽ​കു​ന്ന കാ​ല​മാ​ണ് വി​രു​ന്നു​വ​രു​ന്ന​തെ​ന്ന് 20 വ​ർ​ഷ​ത്തി​ല​ധി​ക​മാ​യി ഖ​ത്വീ​ഫ് മ​ത്സ്യ​ച്ച​ന്ത​യി​ൽ ജോ​ലി​ചെ​യ്യു​ന്ന മ​ല​യാ​ളി യാ​സി​ർ പ​ള്ളി​പ്പ​ടി പ​റ​ഞ്ഞു. നാ​ട്ടി​ലെ കു​ടും​ബ​ങ്ങ​ളു​ടെ ആ​വ​ശ്യ​ങ്ങ​ൾ പ​ല​തും നി​റ​വേ​റ്റു​ന്ന​തി​നു​ള്ള ന​ല്ല വ​രു​മാ​നം ല​ഭി​ക്കു​ന്ന​ത്​ ഇ​ക്കാ​ല​ത്താ​ണ്. ഈ ​സ​മ​യ​ത്ത് ജോ​ലി​ചെ​യ്യു​ന്ന​തി​ന് ഞ​ങ്ങ​ൾ സ​മ​യം നോ​ക്കി​റി​ല്ലെ​ന്ന്​ മ​റ്റൊ​രു തൊ​ഴി​ലാ​ളി അ​ബൂ​ബ​ക്ക​ർ പൊ​ന്നാ​നി പ​റ​ഞ്ഞു.

സ്കൂ​ൾ തു​റ​ക്കു​ന്ന​തു​പോ​​ലൊ​രു അ​നു​ഭ​വ​മാ​ണ് ചെ​മ്മീ​ൻ സീ​സ​ണി​​ന്റെ തു​ട​ക്ക​മെ​ന്ന് കാ​ല​ങ്ങ​ളാ​യി മ​ത്സ്യ​മേ​ഖ​ല​യി​ൽ ജോ​ലി ചെ​യ്യു​ന്ന എ​ഴു​ത്തു​കാ​ര​ൻ കൂ​ടി​യാ​യ സ​ഈ​ദ് ഹ​മ​ദാ​നി പ​റ​ഞ്ഞു. ആ​ഗ​സ്​​റ്റ്​ ആ​ദ്യ വാ​രം ത​ന്നെ ചെ​മ്മീ​ൻ മാ​ർ​ക്ക​റ്റി​ൽ ല​ഭ്യ​മാ​യി​ത്തു​ട​ങ്ങും. ഖ​ത്ത​ർ ഉ​ൾ​പ്പെ​ടെ​യു​ള്ള വ്യാ​പാ​ര​പാ​ത​ക​ൾ തു​റ​ന്ന​ത് ചെ​മ്മീ​നു​ക​ൾ​ക്ക് വി​ല​വ​ർ​ധി​ക്കാ​ൻ കാ​ര​ണ​മാ​കു​മെ​ന്നാ​ണ് നി​രീ​ക്ഷ​ണം. അ​തേ​സ​മ​യം ക​ട​ലി​ലെ ചി​ല നി​രോ​ധ​ന മേ​ഖ​ല​ക​ളി​ൽ അ​റി​യാ​തെ ചെ​ന്നു​പെ​ടു​ക​യും കോ​സ്​​റ്റ്​ ഗാ​ർ​ഡ് പി​ടി​ക്കു​ക​യും ചെ​യ്​​താ​ൽ വ​ൻ തു​ക​ പി​ഴ​യാ​യി അ​ട​​ക്കേ​ണ്ടി വ​രും. ഇ​ത് തൊ​ഴി​ലാ​ളി​ക​ൾ ത​നി​യെ വ​ഹി​ക്ക​ണ​മെ​ന്നു​ള്ള നി​യ​മം കൂ​ടു​ത​ൽ പേ​രെ ക​ട​ലി​ൽ പോ​കു​ന്ന​തി​ൽ നി​ന്ന് നി​രു​ത്സാ​ഹ​പ്പെ​ടു​ത്തു​ന്നു​ണ്ട്.