സിഫ് ഈസ് ടീ ചാമ്പ്യൻസ് ലീഗ് ഫുട്ബാൾ ടൂർണമെന്റിന് ഇന്ന് ജിദ്ദയിൽ തുടക്കം

ജിദ്ദ: ഇരുപതാമത് SIFഫുട്ബാൾ ടൂർണമെന്റ് ഇന്ന് ജിദ്ദയിൽ ആരംഭിക്കും. വസീരിയ അൽ തആവൂൻ സ്റ്റേഡിയത്തിൽ വൈകീട്ട് 6.30 മുതലാണ് മത്സരങ്ങൾ. രാത്രി ഒമ്പതിന് അബ്ദുൽ ഹമീദ് എം.എൽ.എ ടൂർണമെന്റ് ഉദ്‌ഘാടനം ചെയ്യും. പ്രമുഖ സിനിമ താരം ഹരീഷ് കണാരൻ, സിനിമ, ടിവി കലാകാരൻ അനിൽ ബേബി, ഗായകൻ ആസിഫ് കാപ്പാട് എന്നിവർ ഉദ്‌ഘാടന ചടങ്ങിൽ പങ്കെടുക്കും.

11 ആഴ്ചകൾ നീണ്ടുനിൽക്കുന്ന ടൂർണമെന്റിൽ മൂന്ന് ഡിവിഷനുകളിലായി 23 ടീമുകൾ മാറ്റുരക്കും. ഡിസംബർ എട്ടിനായിരിക്കും ഫൈനൽ മത്സരങ്ങൾ. ഐ.എസ്.എൽ, ഐ ലീഗ്, സന്തോഷ് ട്രോഫി താരങ്ങളുടെ ഒരു വലിയ നിര തന്നെ ടൂർണമെന്റിലെ വിവിധ ടീമുകൾക്ക് വേണ്ടി അണി നിരക്കും. നിരവധി നാഷനൽ, ഇന്റർനാഷനൽ കളിക്കാർ ഇതിനോടകം ജിദ്ദയിലെത്തി ടീമുകൾക്കൊപ്പം പരിശീലനത്തിലേർപ്പെട്ടതായി ഭാരവാഹികൾ അറിയിച്ചു.