ഷോർണൂർ സ്വദേശി റിയാദിൽ മരിച്ചു

റിയാദ്​: മലയാളി റിയാദിൽ ഹൃദയാഘാതം മൂലം മരിച്ചു. പാലക്കാട്​ ഷോർണൂർ മാമ്പട്ടകുണ്ട് സ്വദേശി മേട്ടിൽ കൃഷ്‌ണഗിര ി രാമകൃഷ്ണനാണ്​ (60) ഞായറാഴ്​ച രാത്രി മരിച്ചത്​. ബത്​ഹ ഗുറാബി സ്​ട്രീറ്റിലെ അബുനയാൻ ഇലക്ട്രിക്ക് കമ്പനി ഷോറൂമിൽ കൗണ്ടർ സെയിലറാണ്​. രാത്രി എ​േട്ടാടെ ഡ്യൂട്ടി കഴിഞ്ഞ്​ മർഖബ്​ സ്​ട്രീറ്റിലെ താമസസ്ഥലത്ത്​ എത്തിയപ്പോഴേക്കും ശാരീരിക അസ്വസ്ഥതകൾ പ്രകടിപ്പിക്കാൻ തുടങ്ങിയിരുന്നു. നേരത്തെ തന്നെ പ്രമേഹരോഗിയാണ്​. വായിൽ നിന്ന്​ നുരയും പതയും വരുന്നത്​ കണ്ട്​ കൂടെ താമസിക്കുന്നയാൾ ഉടൻ ബത്​ഹയിലെ സ്വകാര്യ ക്ലിനിക്കിൽ എത്തിച്ചു.

അവിടെ നിന്ന്​ നിർദേശിച്ചപ്രകാരം ശുമൈസി ആശുപത്രിയിലേക്ക്​ കൊണ്ടുപോകുന്നതിനിടെ മരണം സംഭവിച്ചു. മൃതദേഹം അവിടെ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്​. നാട്ടിൽ കൊണ്ടുപോകും. അബുനയാൻ കമ്പനിയുടെ ഇതേ ഷോറൂമിൽ 17 വർഷമായി ജോലി ചെയ്യുന്ന രാമകൃഷ്​ണൻ അടുത്തമാസം ഫൈനൽ എക്​സിറ്റിൽ നാട്ടിൽ പോകാനുള്ള ഒരുക്കത്തിലായിരുന്നു. ഇൗ മാസം തന്നെ ജോലിയിൽ നിന്ന്​ വിരമിച്ചെങ്കിലും ഏപ്രിലിൽ 18 വർഷം തികച്ച ശേഷം മടങ്ങാമെന്നുള്ള തീരുമാനത്തിലായിരുന്നു. മുറിയിൽ വെറുതെ ഇരുന്ന്​ മുഷിയണ്ട എന്ന്​ കരുതി എല്ലാ ദിവസവും ഷോറൂമിൽ വന്ന്​ ജോലി ചെയ്യുമായിരുന്നു. ഭാര്യ: ശിവകുമാരി. മക്കൾ: ഗ്രീഷ്മ (ദുബൈ), ജീഷ്മ.