യമനിൽ സ്​​േഫാടനത്തിൽ കേടുപാട്​ പറ്റിയ തുർക്കി കപ്പൽ ജീസാനിൽ

ജിദ്ദ: യമനിലെ ഹൂതി വിമതരു​െട നിയന്ത്രണത്തിലുള്ള തുറമുഖത്ത്​ വെച്ച്​ കേടുപാട്​ സംഭവിച്ച തുർക്കി കപ്പൽ സൗദി തീരത്ത്​ അടുപ്പിച്ചു. ജീസാൻ തുറമുഖത്ത്​ നങ്കൂരമിട്ട കപ്പലിൽ അറ്റകുറ്റ പണി പുരോഗമിക്കുകയാണ്​. ഹൂതികളുടെ നിയന്ത്രണത്തിലുള്ള സലീഫ്​ തുറമുഖത്ത്​ അടുപ്പിക്കാനുള്ള ശ്രമത്തിനിടെയാണ്​ തുർക്കി ചരക്കു കപ്പൽ ഇൻസി ഇനേബ്ലുവിൽ സ്​​േഫാടനമുണ്ടായത്​. യമനിലേക്ക്​ ഗോതമ്പുമായി എത്തിയതായിരുന്നു കപ്പൽ. ഇതിനെ തുടർന്ന്​ ക്യാപ്​റ്റൻ അറബ്​ സഖ്യസേനക്ക്​ അപകട സന്ദേശം അയച്ചതിനെ തുടർന്ന്​ ഉടൻ സഹായമെത്തിച്ചിരുന്നു. കപ്പലി​​െൻറ ഇടhതുഭാഗത്ത്​ മധ്യത്തിലായി വലിയ സുഷിരം രൂപപ്പെട്ടതിനെ തുടർന്നാണ്​ അടിയന്തിര അറ്റകുറ്റ പണിക്ക്​ സൗദി തുറമുഖത്ത്​ അടുപ്പിച്ചത്​.