റിയാദിന്​ ​േനരെ മിസൈലാക്രണം: സൗദിക്ക്​ ലോകത്തി​െൻറ പിന്തുണ

റിയാദ്​: രണ്ടാം തവണയു​ം റിയാദിന്​ നേരെ യമനിൽ നിന്ന്​ ഹൂതികൾ ബാലിസ്​റ്റിക്​ മിസൈൽ ആക്രമണം നടത്തിയ സംഭവത്തെ ലോക രാജ്യങ്ങൾ ശക്​തമായി അപലപിച്ചു. മേഖലയിലെ സമാധാനത്തിനും സുസ്​ഥിരതക്കും ഭീഷണിയാവുന്ന സംഭവം ആവർത്തിക്കുന്നതിനെതിരെ  വിവിധ രാജ്യങ്ങൾ ആശങ്ക പ്രകടിപ്പിച്ചു. ബാലിസ്​റ്റിക്​ മിസൈൽ ആക്രമണത്തെ ശക്​തമായി അപലപിച്ച അമേരിക്ക അക്രമണകാരികളായ ഹൂതികളെ സഹായിക്കുന്നതിൽ നിന്ന്​ പിൻമാറണമെന്ന്​ ഇറാൻ സൈന്യത്തോട്​​ ആവശ്യപ്പെട്ടു. ഹൂതികൾക്ക്​ ആധുനിക ആയുധങ്ങൾ നൽകുന്നത്​  മേഖലയുടെ സുരക്ഷക്ക്​ ഭീഷണിയാവുമെന്ന്​  യു.എസ്​ വക്​താവ്​  ഹീതർ നൗർട്​ പറഞ്ഞു. ആക്രമണ​െത്ത ഇറ്റലി അപലപിച്ചു. ഭീകരാക്രമണം മേഖലയയുടെ സമാധാനത്തിനും സ്​ഥിരതക്കും ഭീഷണി സൃഷ്​ടിക്കുന്നതോടൊപ്പം പ്രശ്​നപരിഹാര സാധ്യതകളെ ദുർബലമാക്കുമെന്നും ഇറ്റാലിയൻ വിദേശകാര്യമന്ത്രി ആൻജലീനോ അൽവാനോ പറഞ്ഞു. സംഭവത്തിൽ ഇറാനെതിരെ കടുത്ത വിമർശനം നടത്തിയ യു.എ.ഇ സൗദി അറേബ്യക്ക്​ എല്ലാവിധ പിന്തുണയും പ്രഖ്യാപിച്ചു. ഇറാൻ ഹൂതികളെ സഹായിക്കുന്നതിലൂടെ അപകടകരവും നിഷേധാത്​മകവുമായ നിലപാട്​ തുടരുകയാണെന്ന്​ യു.എ.ഇ കുറ്റപ്പെടുത്തി.  ഹൂതികളുടെ നിരന്തരമായ ആക്രമണത്തിനെതിരെ ജോർഡൻ സൗദിക്ക്​ എല്ലാ പിന്തുണയും പ്രഖാപിച്ചു. യമൻ പ്രശ്നപരിഹാരത്തിന്​ സൗദിയോടൊപ്പം നിൽക്കുമെന്ന്​  ഒൗദ്യോഗിക വക്​താവ്​  മുഹമ്മദ്​ അൽ മൊമാനി പറഞ്ഞു. ഹൂതി ആക്രമണത്തിനെതിരെ  ബഹ്​റൈൻ സൗദി അറേബ്യക്ക്​ ശക്​തമായ പിന്തുണ അറിയിച്ചു. മൊറോക്കോയും ജിബൂത്തിയും സൗദിക്ക്​ എല്ലാ പിന്തുണയ​ും പ്രഖ്യാപിക്കുകയും സംഭവത്തെ അപലപിക്കുകയും ചെയ്​തു. സംഭവത്തിൽ ജർമനി ആദ്യം തന്നെ സൗദിക്ക്​ പിന്തുണയുമായി രംഗത്ത്​ വന്നിരുന്നു.
ഒാർഗനൈസേഷൻ ഒാഫ്​ ഇസ്​ലാമിക്​ കോ ഒാപറേഷൻ ( ഒ.​െഎ.സി) റിയാദ്​ ആക്രമണത്തെ ശക്​തമായി അപലപിച്ചു. സൗദി അറേബ്യയുടെ സുരക്ഷക്കും സുസ്​ഥിരതക്കുമെതിരെ ഹൂതികൾ അവരുടെ ശത്രുതാപരമായ നിലപാട്​ തുടരുകയാണെന്ന്​ ഒ.​െഎ.സി സെക്രട്ടറി ജനറൽ ഡോ.യൂസുഫ്​ ബിൻ അഹമദ്​  അൽ ഒതൈമീൻ കുറ്റപ്പെടുത്തി.സൗദി അറേബ്യക്ക്​ എല്ലാവിധ പിന്തുണയും ഒ.​െഎ.സി നൽകുമെന്ന്​ അദ്ദേഹം വ്യക്​തമാക്കി. ചൊവ്വാഴ്​ചയാണ്​ റിയാദ്​  ലക്ഷ്യമാക്കി  ഹൂതി മിസൈൽ ആക്രമണം നടത്തിയത്​. നവംബർ നാലിന്​ റിയാദ്​ ഇൻറർനാഷനൽ വിമാനത്താവളം ലക്ഷ്യമാക്കിയായിരുന്നു ആക്രമണം. ചൊവ്വാഴ്​ചത്തെ ആക്രമണം അൽയമാമ കൊട്ടാരം ലക്ഷ്യമാക്കിയാണെന്നായിരുന്നു ഹൂതികൾ അവകാശപ്പെട്ടത്​. ദക്ഷിണ റിയാദിലെ ആകാശത്ത്​ വെച്ച്​ തന്നെ സൗദിയുടെ പ്രതിരോധ സംവിധാനം ഹൂതിമിസൈൽ തകർത്തിടുകയായിരുന്നു.