പ്രവാസി ഗായകൻ ഷാജഹാൻ​ കോവിഡ്​ മുക്തനായി

റിയാദ്: പ്രവാസലോകത്ത്​ അറിയപ്പെടുന്ന മലയാളി ഗായകൻ കോവിഡ്​ പിടിയിൽ നിന്ന്​ മുക്തനായി. റിയാദിലെ സാംസ്​കാരിക വേദികളിൽ സ്ഥിര സാന്നിദ്ധ്യമായ ഗായകൻ  മലപ്പുറം എടക്കര സ്വദേശി ഷാജഹാനാണ്​ 27 ദിവസം നീണ്ട ​െഎസൊലേഷൻ ജീവിതത്തിൽ നിന്ന്​ പുറത്തുവന്നത്​. 

റിയാദിലെ സ്വകാര്യ ലോജിസ്​റ്റിക് കമ്പനിയിൽ  ജീവനക്കാരനായ ഷജഹാന്​ ഏപ്രിൽ എട്ടിനാണ് കോവിഡ്​ ബാധ സ്ഥിരീകരിക്കുന്നത്​. റിയാദിൽ കോവിഡ്​ ബാധിച്ച്​ മരിച്ച സുഹൃത്ത് മലപ്പുറം ചെമ്മാട് സ്വദേശി  സഫ്‌വാനുമായുണ്ടായ സമ്പർക്കത്തിലൂടെയാണ്​ രോഗബാധയുണ്ടായത്​. എക്​സിറ്റ്​ 14ലെ അമീർ മുഹമ്മദ്​ ആശുപത്രിയിലെ ​െഎസൊലേഷൻ സ​െൻററിലാണ്​ അഡ്​മിറ്റായത്​.  

പലതവണ സ്രവ പരിശോധനക്ക്​ വിധേയനായി. ഏഴ്​ ഫലങ്ങൾ തുടർച്ചയായി പോസിറ്റീവായി. എട്ടും ഒമ്പതും നെഗറ്റീവായതോടെ ആശ്വാസമായി. ഇതിനിടെ കോവിഡ്​  സാധാരണ രോഗമാണെന്നും രോഗം പിടിപെട്ടാൽ ഭയക്കാൻ ഒന്നുമില്ലെന്നും ത​​െൻറ അനുഭവം വിവരിച്ച്​ ഷാജഹാൻ ​െഎസൊലേഷനിൽ കിടന്നുകൊണ്ട്​ സമൂഹ  മാധ്യമങ്ങളിൽ പോസ്​റ്റ്​ ചെയ്​ത വീഡിയോ വൈറലായി. ലോകത്തി​​െൻറ നാനാഭാഗങ്ങളിലുള്ള മലയാളികൾക്ക് ആ വീഡിയോ പ്രചോദനമായി. ​െഎസൊലേഷനിൽ കഴിഞ്ഞ  നാളുകളിലൊന്നും രോഗത്തിനായി ഒരു മരുന്നും കഴിച്ചിട്ടില്ല. പൂർണ ആരോഗ്യവാനായാണ്​ പുറത്തിറങ്ങിയത്​.