ഹ​സ്സ ഒ.​ഐ.​സി.​സി സ​ഹാ​യ​ത്താ​ൽ ഷ​ഫീ​ഖ് നാ​ട്ടി​ലെ​ത്തി

അ​ൽ ഹ​സ: സ്പോ​ൺ​സ​ർ ഹു​റൂ​ബാ​ക്കി​യ​തി​നാ​ൽ ജോ​ലി ന​ഷ്ട​പ്പെ​ട്ട് ദു​രി​ത​ത്തി​ലാ​യ മു​ഹ​മ്മ​ദ് ഷ​ഫീ​ഖി​ന് അ​ൽ ഹ​സ​യി​ലെ സാ​മൂ​ഹ്യ പ്ര​വ​ർ​ത്ത​ക​ർ തു​ണ​യാ​യി.

ജി​ദ്ദ​യി​ൽ പ​ത്ത് മാ​സ​ങ്ങ​ൾ​ക്ക് മു​മ്പ് ഹൗ​സ് ഡ്രൈ​വ​ർ വി​സ​യി​ലെ​ത്തി​യ മ​ല​പ്പു​റം മേ​ലാ​റ്റൂ​ർ പു​ല്ലാ​ണി​ക്കാ​ട്ടി​ൽ കു​ഞ്ഞാ​ലി​യു​ടെ മ​ക​ൻ മു​ഹ​മ്മ​ദ് ഷ​ഫീ​ഖി​നെ നി​സ്സാ​ര കാ​ര​ണ​ങ്ങ​ളാ​ൽ സ്​​പോ​ൺ​സ​ർ ഹു​റൂ​ബാ​ക്കു​ക​യാ​യി​രു​ന്നു. തു​ട​ർ​ന്ന് താ​ൻ മു​മ്പ് എ​ട്ട് വ​ർ​ഷ​ത്തോ​ളം ജോ​ലി ചെ​യ്തി​രു​ന്ന അ​ൽ​ഹ​സ​യി​ലെ പ​ഴ​യ കൂ​ട്ടു​കാ​രു​ടെ അ​ടു​ത്തെ​ത്തി​യെ​ങ്കി​ലും ഹു​റൂ​ബി​ലാ​യ​തി​നാ​ൽ എ​വി​ടെ​യും ജോ​ലി ല​ഭി​ക്കാ​തെ മാ​ന​സി​ക​മാ​യി ത​ള​ർ​ന്ന അ​വ​സ്ഥ​യി​ലാ​യി. ഇ​തി​നെ ത​ട​ർ​ന്നാ​ണ്​ ഇ​ദ്ദേ​ഹ​ത്തി​ന്‍റെ സു​ഹൃ​ത്തു​ക്ക​ൾ അ​ൽ ഹ​സ ഒ.​ഐ.​സി.​സി​യു​ടെ സ​ഹാ​യം​തേ​ടി​യ​ത്.

ഒ.​ഐ.​സി.​സി ജീ​വ​കാ​രു​ണ്യ വി​ഭാ​ഗം ക​ൺ​വീ​ന​ർ പ്ര​സാ​ദ് ക​രു​ണാ​ഗ​പ്പ​ള്ളി​യും സ​ഹ​പ്ര​വ​ർ​ത്ത​ക​രും വി​ഷ​യം ഏ​റ്റെ​ടു​ക്കു​ക​യും ഷ​ഫീ​ഖി​നെ നാ​ട്ടി​ൽ ക​യ​റ്റി​വി​ടു​ന്ന​തി​നാ​വ​ശ്യ​മാ​യ രേ​ഖ​ക​ളെ​ല്ലാം ശ​രി​യാ​ക്കു​ക​യും ഒ.​ഐ.​സി.​സി അ​ൽ ഹ​സ്സ ക​മ്മി​റ്റി വെ​ൽ​ഫെ​യ​ർ ഫ​ണ്ടി​ൽ​നി​ന്ന് ഷ​ഫീ​ഖി​നു​ള്ള വി​മാ​ന​യാ​ത്രാ ടി​ക്ക​റ്റി​നു​ള്ള പ​ണ​മ​നു​വ​ദി​ക്കു​ക​യും ചെ​യ്തു.

ഷു​ക്കൈ​ക്കി​ൽ അ​ർ​ശ​ദ് ദേ​ശ​മം​ഗ​ലം അ​ധ്യ​ക്ഷ​ത വ​ഹി​ച്ചു. ഷ​ഫീ​ഖി​നു​ള്ള വി​മാ​ന​യാ​ത്രാ ടി​ക്ക​റ്റും മ​റ്റു രേ​ഖ​ക​ളും ഒ.​ഐ.​സി.​സി ജീ​വ​കാ​രു​ണ്യ വി​ഭാ​ഗം ക​ൺ​വീ​ന​ർ പ്ര​സാ​ദ് ക​രു​നാ​ഗ​പ്പ​ള്ളി കൈ​മാ​റി. ചെ​യ​ർ​മാ​ൻ ഫൈ​സ​ൽ വാ​ച്ചാ​ക്ക​ൽ ഉ​ദ്ഘാ​ട​നം ചെ​യ്തു.

ഉ​മ​ർ കോ​ട്ട​യി​ൽ, ന​വാ​സ് കൊ​ല്ലം, ഹ​മീ​ദ് പൊ​ന്നാ​നി, റ​ഷീ​ദ് വ​ര​വൂ​ർ, ലി​ജു വ​ർ​ഗീ​സ് അ​ഫ്സ​ൽ തി​രൂ​ർ​കാ​ട്, അ​ഷ്റ​ഫ് എ​ന്നി​വ​ർ സം​സാ​രി​ച്ചു. റാ​ഫി ക​രി​മ്പ​ന​ക്ക​ൽ സ്വാ​ഗ​ത​വും ഷി​ബു മു​സ്ത​ഫ ന​ന്ദി​യും പ​റ​ഞ്ഞു.