കോവിഡ്​ ബാധിച്ച്​ ഏഴ്​ വിദേശികൾ കൂടി സൗദിയിൽ മരിച്ചു

റിയാദ്​: കോവിഡ്​ ബാധിച്ച്​ സൗദി അറേബ്യയിൽ ഏഴ്​ വിദേശികൾ കൂടി മരിച്ചു. ഇതോടെ ഇതുവരെയുള്ള മരണസംഖ്യ 246 ആയി ഉയർന്നു. നാലുപേർ ജിദ്ദയിലും രണ്ടുപേർ  റിയാദിലും ഒരാൾ മക്കയിലുമാണ്​ മരിച്ചത്​. 24 മണിക്കൂറിനിടെ 1313 പേർ സുഖം പ്രാപിച്ചതോടെ ആകെ രോഗമുക്തരുടെ എണ്ണം 11457 ആയി ഉയർന്നു.​ 

1912 പേർക്ക്​  പുതുതായി രോഗം സ്ഥിരീകരിച്ചു. ഇതോടെ​ രാജ്യത്ത്​ ഇതുവരെ റിപ്പോർട്ട്​ ചെയ്യ​പ്പെട്ട കോവിഡ്​ കേസുകളുടെ എണ്ണം 39048 ആയി. രാജ്യത്തെ വിവിധ ലാബുകളിലായി ഇതുവരെ 449,644 കോവിഡ്​ ടെസ്​റ്റുകൾ നടന്നു. പുതിയ രോഗികളിൽ 79 ശതമാനം പുരുഷന്മാരും 21 ശതമാനം സ്​ത്രീകളുമാണെന്ന്​ ആരോഗ്യമന്ത്രാലയ വക്താവ്​ ഡോ.  മുഹമ്മദ്​ അബ്​ദു അൽഅലി വാർത്താസമ്മേളനത്തിൽ പറഞ്ഞു. 

ഇതിൽ 35 ശതമാനം സൗദികളും 65 ശതമാനം വിദേശികളുമാണ്​. എട്ട്​​​ ശതമാനം കുട്ടികളും മൂന്ന്​​​​​​​​ ശതമാനം  കൗമാരക്കാരും 89 ശതമാനം മുതിർന്നവരുമാണ്​. ചികിത്സയിൽ കഴിയുന്ന 27345 ആളുകളിൽ 143 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​. രോഗികളെ  കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 24ാം ദിവസത്തിലേക്ക്​ കടന്നു. 

വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ  ടീമി​​​െൻറ പരിശോധനയ്​ക്ക്​ പുറമെ ആളുകളെ ഫോൺ ചെയ്​ത്​ വിളിച്ചു വരുത്തി പരിശോധന നടത്തുന്ന റാണ്ടം ടെസ്​റ്റിങ്ങും നടക്കുന്നു. രാജ്യത്തെ ചെറുതും വലുതുമായ  115 നഗരങ്ങളിൽ രോഗം പടർന്നുപിടിച്ചിട്ടുണ്ട്​.  

പുതിയ രോഗികൾ: മക്ക 438, ജിദ്ദ 374, റിയാദ്​ 363, മദീന 248, ദമ്മാം 104, ഹുഫൂഫ്​ 72, ഖുൻഫുദ 52, ഹദ്ദ 40, ജുബൈൽ 30, ത്വാഇഫ്​ 28, ബേയ്​ഷ്​ 20, ഖത്വീഫ്​ 16, യാംബു 14, മജ്​മഅ 13,  സബ്​യ 9, ദഹ്​റാൻ 8, തബൂക്ക്​ 8, മഹായിൽ 7, ദറഇയ 7, ഖോബാർ 6, അൽഖുറയാത്​ 5, അബഹ 4, ബുറൈദ 4, വാദി അൽഫറഅ 4, ഹാഇൽ 4, അൽഖർജ്​ 4, അൽമജാരിദ  3, റഫ്​ഹ 3, ഹുത്ത ബനീ തമീം 3, ദിലം 3, ഖമീസ്​ മുശൈത്​ 2, അൽബാഹ 2, ഹഫർ അൽബാത്വിൻ 2, അൽഖുവയ്യ 2, അൽഖറഇ 1, ഖറഅ 1, ബൽജുറഷി 1, ഖുലൈസ്​ 1,  മുസൈലിഫ്​ 1, നജ്​റാൻ 1, തബർജൽ 1, ജദീദ അറാർ 1, ദുർമ 1, ലൈല 1

മരണസംഖ്യ:മക്ക 104, ജിദ്ദ 69, മദീന 37, റിയാദ്​ 15, ഹുഫൂഫ്​ 4, ദമ്മാം 4, അൽഖോബാർ 3, ജുബൈൽ 3, ബുറൈദ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​,  അൽബദാഇ 1,  തബൂക്ക്​ 1.