Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസ്‌​കൂ​ളു​ക​ൾ...

സ്‌​കൂ​ളു​ക​ൾ തു​റ​ക്കു​ന്നു: സൗ​ദി​യി​ലേ​ക്ക്​​ യാ​ത്ര​പ്ര​തി​സ​ന്ധി തീ​രു​ന്ന​തും കാ​ത്ത്​ പ്ര​വാ​സി വി​ദ്യാ​ർ​ഥി​ക​ൾ

text_fields
bookmark_border
സ്‌​കൂ​ളു​ക​ൾ തു​റ​ക്കു​ന്നു: സൗ​ദി​യി​ലേ​ക്ക്​​ യാ​ത്ര​പ്ര​തി​സ​ന്ധി തീ​രു​ന്ന​തും കാ​ത്ത്​ പ്ര​വാ​സി വി​ദ്യാ​ർ​ഥി​ക​ൾ
cancel

യാം​ബു: സൗ​ദി അ​റേ​ബ്യ​യി​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ അ​ടു​ത്ത​മാ​സം തു​റ​ക്കാ​നു​ള്ള തീ​രു​മാ​ന​വു​മാ​യി വി​ദ്യാ​ഭ്യാ​സ, ആ​രോ​ഗ്യ​മ​ന്ത്രാ​ല​യം മു​ന്നോ​ട്ടു​പോ​കു​മ്പോ​ൾ ഇ​ന്ത്യ​യി​ൽ നി​ന്നും സൗ​ദി​യി​ലേ​ക്ക്​ നേ​രി​ട്ട്​ വി​മാ​ന സ​ർ​വി​സ് പു​ന​രാ​രം​ഭി​ക്കു​ന്ന​തും പ്ര​തീ​ക്ഷി​ച്ചി​രി​ക്കു​ക​യാ​ണ് പ്ര​വാ​സി വി​ദ്യാ​ർ​ഥി​ക​ൾ.

സൗ​ദി​യി​ലെ സ്‌​കൂ​ളു​ക​ളി​ൽ ആ​റാം ക്ലാ​സ് മു​ത​ലാ​യി​രി​ക്കും ആ​ദ്യ​ഘ​ട്ട​ത്തി​ൽ തു​റ​ക്കു​ക. 12 വ​യ​സ്സി​ന് മു​ക​ളി​ലു​ള്ള മു​ഴു​വ​ൻ വി​ദ്യാ​ർ​ഥി​ക​ളോ​ടും കോ​വി​ഡ് വാ​ക്സി​ൻ എ​ടു​ക്കാ​ൻ ആ​രോ​ഗ്യ, വി​ദ്യാ​ഭ്യാ​സ മ​ന്ത്രാ​ല​യം ആ​വ​ശ്യ​പ്പെ​ട്ടു. സ്‌​കൂ​ൾ തു​റ​ക്കാ​നും കു​ട്ടി​ക​ളെ നേ​രി​ട്ടു​ വി​ളി​ച്ചു​വ​രു​ത്തി ക്ലാ​സു​ക​ൾ പു​ന​രാ​രം​ഭി​ക്കാ​നു​മാ​ണ്​ തീ​രു​മാ​നം. അ​ടു​ത്ത അ​ധ്യ​യ​ന​വ​ർ​ഷം മു​ത​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ തു​റ​ക്കാ​നും പൂ​ർ​വ​നി​ല​യി​ലേ​ക്ക്​ തി​രി​ച്ചു​കൊ​ണ്ടു​വ​രാ​നും ഓ​ഫ് ലൈ​ൻ ക്ലാ​സ് ആ​രം​ഭി​ക്കാ​നു​മു​ള്ള തീ​വ്ര​ശ്ര​മ​ത്തി​ലാ​ണ് അ​ധി​കൃ​ത​ർ. സൗ​ദി​യി​ലേ​ക്ക്​ തി​രി​ച്ചു​വ​രാ​നാ​ക​ാ​തെ സ്വ​ന്തം രാ​ജ്യ​ങ്ങ​ളി​ൽ ക​ഴി​യു​ന്ന പ്ര​വാ​സി​ക​ളു​ടെ മ​ക്ക​ൾ​ ഇ​തോ​ടെ പ്ര​തി​സ​ന്ധി​യി​ലാ​യി.

ആ​യി​ര​ക്ക​ണ​ക്കി​നു വി​ദ്യാ​ർ​ഥി​ക​ളും നൂ​റു​ക​ണ​ക്കി​ന് അ​ധ്യാ​പ​ക​രും ഇ​ത​ര ജീ​വ​ന​ക്കാ​രും മ​ധ്യ​വേ​ന​ല​വ​ധി​യി​ൽ നാ​ട്ടി​ലാ​ണ്. സ്‌​കൂ​ളു​ക​ൾ തു​റ​ക്കു​മ്പോ​ഴേ​ക്കും ഇ​വ​ർ​ക്ക് മ​ട​ങ്ങി​യെ​ത്തേ​ണ്ട​ത് അ​നി​വാ​ര്യ​മാ​ണ്. ഇ​ത​ര രാ​ജ്യ​ങ്ങ​ൾ വ​ഴി എ​ത്താ​ൻ ഒ​രാ​ൾ​ക്ക് ചു​രു​ങ്ങി​യ​ത് ഒ​ന്ന​ര ല​ക്ഷം രൂ​പ​യി​ല​ധി​കം ചെ​ല​വ് വ​രും. നാ​ട്ടി​ൽ കു​ടു​ങ്ങി​യ പ്ര​വാ​സി​ക​ളു​ടെ ഇ​ഖാ​മ ആ​ഗ​സ്​​റ്റ്​ 31 വ​രെ പു​തു​ക്കി ന​ൽ​കു​മെ​ന്ന്​ ഭ​ര​ണ​കൂ​ടം പ്ര​ഖ്യാ​പി​ച്ചി​രു​ന്നു. ഇ​ന്ത്യ​യി​ൽ കോ​വി​ഡ് വ്യാ​പ​നം കു​റ​യാ​ത്ത​താ​ണ് സൗ​ദി നേ​രി​ട്ട് വി​മാ​ന സ​ർ​വി​സ് അ​നു​വ​ദി​ക്കാ​ത്ത​തി​നു​ കാ​ര​ണം. എ​ന്നാ​ൽ യു.​എ.​ഇ ഇൗ​മാ​സം അ​ഞ്ച്​ മു​ത​ൽ വാ​ക്സി​നെ​ടു​ത്ത, റ​സി​ഡ​ൻ​റ്​ വി​സ​യു​ള്ള ഇ​ന്ത്യ​ക്കാ​ർ​ക്ക് നേ​രി​ട്ടു മ​ട​ങ്ങി​യെ​ത്താ​മെ​ന്ന് ക​ഴി​ഞ്ഞ​ദി​വ​സം പ്ര​ഖ്യാ​പി​ച്ച​തും നേ​ര​ത്തേ ഖ​ത്ത​ർ, കു​വൈ​ത്ത് തു​ട​ങ്ങി​യ ഗ​ൾ​ഫ് രാ​ജ്യ​ങ്ങ​ൾ ഇ​ന്ത്യ​യി​ൽ നി​ന്നു​ള്ള വി​മാ​ന സ​ർ​വി​സ് അ​നു​വ​ദി​ച്ച​തും സൗ​ദി പ്ര​വാ​സി​ക​ൾ​ക്ക് പ്ര​തീ​ക്ഷ​യും ആ​ശ്വാ​സ​വും ന​ൽ​കു​ന്ന​താ​ണ്.

ആ ​വ​ഴി​ക​ളി​ൽ കൂ​ടി​യെ​ങ്കി​ലും സൗ​ദി​യി​ലെ​ത്താ​​മ​ല്ലോ എ​ന്ന പ്ര​തീ​ക്ഷ. അ​ധി​കം വൈ​കാ​തെ സൗ​ദി​യും ഇ​ന്ത്യ​യി​ൽ​നി​ന്നും ഇ​തു​പോ​ലെ വി​മാ​ന സ​ർ​വി​സ് അ​നു​വ​ദി​ക്കു​മെ​ന്ന പ്ര​തീ​ക്ഷ​യും പ്ര​വാ​സി​ക​ൾ കൈ​വി​ടു​ന്നി​ല്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:studentsSaudi schoolyambooExpatriateSchools reopen
News Summary - Schools reopen: Travel to Saudi waiting for crisis to end Expatriate CV students
Next Story