ലോകമാധ്യമപ്പട റിയാദിൽ

റിയാദ്​:  ​ഡൊണാൾഡ്​ ട്രംപി​​​​െൻറ സൗദി സന്ദർശനവും അതോടനുബന്ധിച്ച്​ നടക്കുന്ന  ഉച്ചകോടികളും റിപ്പോർട്ട്​ ചെയ്യാൻ ലോകത്തി​​​​െൻറ വിവിധ ഭാഗങ്ങളിൽ നിന്ന്​ മാധ്യമപ്പട. റിയാദിലെ മാരിയട്ട്​ ഹോട്ടലിലാണ്​ സർവ്വ സജ്ജീകരണങ്ങളുമുള്ള മീഡിയാസ​​​െൻറർ ഒരുക്കിയത്​. വെള്ളിയാഴ്​ച മുതൽ ലോകത്തി​​​​െൻറ വിവിധ ഭാഗങ്ങളിലുള്ള മാധ്യമപ്രവർത്തകർ ഇവിടെ സജീവമാണ്​.  സ്​റ്റുഡിയോകളും സാ​േങ്കതിക സംവിധാനങ്ങളുമെല്ലാം റെഡിയാണ്​.  സൗദി വാർത്താവിതരണവകുപ്പ്​ വിപുലമായ സംവിധാനങ്ങളാണ്​ വാർത്തകൾ  ലോകത്തിന്​ മുന്നിലെത്തിക്കാൻ വേണ്ടി ഒരുക്കിയിട്ടുള്ളത്​. ഉച്ചകോടി റിപ്പോർട്ട്​ ചെയ്യാൻ അഞ്ഞൂറിലധികം മാധ്യമപ്രവർത്തകരുണ്ടെന്ന്​ സൗദി സാംസ്​കാരിക വാർത്താ വിതരണ വകുപ്പ്​ മന്ത്രി ഡോ. അവാദ്​ അൽഅവാദ്​  അറിയിച്ചു.

 സുപ്രധാന വാർത്തകളാണ്​ സൗദിയിൽ നിന്ന്​ പുറത്തുവരാൻ പോകുന്നതെന്ന്​ അദ്ദേഹം പറഞ്ഞു.  അമേരിക്കൻ പ്രസിഡൻറായി തെരഞ്ഞെടുക്കപ്പെട്ട ശേഷമുള്ള ഡൊണാൾഡ്​ ട്രംപി​​​​െൻറ ആദ്യസന്ദർശനം സൗദിയിലേക്കാണ്​ എന്നത്​ ഇൗ രാജ്യത്തിനും ഇസ്​ലാമിനും അന്താരാഷ്​ട്രതലത്തിലുള്ള പ്രാധാന്യം തിരിച്ചറിഞ്ഞതിനാലാണ്​. 80 വർഷത്തിലധികമായി ഇരുരാജ്യങ്ങൾക്കിടയിൽ നിലനിൽക്കുന്ന ബന്ധത്തി​​​​​െൻറ തെളിവാണ്​​ ഇൗ സന്ദർശനം. ട്രംപുമായി സൗദി ഭരണാധികാരി സൽമാൻ രാജാവി​​​​െൻറ കൂടിക്കാഴ്​ച രാഷ്​​ട്രീയ^വാണിജ്യ^സുരക്ഷ രംഗത്ത്​ ഇരു രാജ്യങ്ങൾക്കിടയിൽ ബന്ധം കൂടുതൽ ശക്​തിപ്പെടുത്തുമെന്നാണ്​ പ്രതീക്ഷിക്കുന്നത്​. സാമ്പത്തിക പ​ുരോഗതിക്കും നിക്ഷേപങ്ങൾക്ക്​ വഴിയൊരുക്കാനും കൂടിക്കാഴ്​ച ഇടയാക്കും. ​ലോക മുസ്​ലിംകളുടെ ഖിബ്​ ല സ്​ഥിതി ചെയ്യുന്ന നാടാണ്​ സൗദി അറേബ്യ.

അതുകൊണ്ട്​ തന്നെ റിയാദിലെ യോഗത്തിന്​ 50 ലധികം മുസ്​ലിം രാജ്യങ്ങളിലെ ഭരണാധികാരികളെ ക്ഷണിച്ചിട്ടുണ്ട്​. തീ​വ്രവാദവും ഭീകരതയും നേരിടുന്നതിൽ അമേരിക്കയുമെആത്ത്​ കെകോർത്ത്​ മു​​ന്നേറുന്നതിന്​ കൂടിയായിരിക്കും​ റിയാദിലെ യോഗങ്ങൾ. ഇസ്​ലാം എല്ലാ തരത്തിലുള്ള  ഭീകരത​യും നിരാകരിക്കുന്ന മതമാണ്​. ഭീകരത നിർമാർജ്ജനം ചെയ്യാനുള്ള പ്രധാന ചുവടുവെപ്പായിരിക്കും റിയാദിൽ നടക്കാൻ പോകുന്ന ചരിത്ര സംഭവമാവുന്ന  ഉച്ചകോടികൾ എന്ന്​ ​ പ്രതീക്ഷിക്കുന്നതായും​  മന്ത്രി പറഞ്ഞു. സന്ദർശനത്തോടനുബന്ധിച്ച്​ റിയാദിൽ ഉന്നതതല ഫോറം മീറ്റിങ്ങ്​ നടക്കും. അമേരിക്ക, സൗദി കമ്പനികളിലെ 100ലധികം വരുന്ന ഉയർന്ന എക്​സിക്യൂട്ടീവ്​ മാനേജർമാർ ഇതിൽ പ​​െങ്കടുക്കും.

ഇരുരാജ്യങ്ങൾ തമ്മിലുള്ള നിക്ഷേപ സാധ്യതകളും തൊഴിലവസരമുണ്ടാക്കുന്നതിനുള്ള വാണിജ്യ പങ്കാളിത്തവുമെല്ലാം ചർച്ച​ ചെയ്യുമെന്നും മന്ത്രി  പറഞ്ഞു. ആധുനിക സാ​​േങ്കതിക, മീഡിയ ഇൻവെസ്​റ്റ്​മ​​​െൻറിന്​ രാജ്യം ശ്രമിച്ചുകൊണ്ടിരിക്കുകയാണ്​. വിവിധ മേഖലയിലെ പുരോഗതി ലക്ഷ്യമിട്ട്​ നടപ്പിലാക്കാൻ പോകുന്ന വിഷൻ 2030​​​​െൻറ ഭാഗമായാണ്​ ഇത്​ നടപ്പിലാക്കുകയെന്നും മന്ത്രി  ക​ൂട്ടിച്ചേർത്തു.