സൗദിയിൽ ഇനി ഡ്രോൺ പറത്താം; അനുമതിയോടെ

റിയാദ്​: സൗദി അറേബ്യയിൽ ഇനി മുതല്‍ ഡ്രോണ്‍ പറത്താന്‍ ലൈസന്‍സ് കിട്ടും. നിശ്ചിത ഫീസ്​ അടച്ച്​ രജിസ്​ട്രേഷൻ അപ േക്ഷ നൽകണം. ​േവ്യാമയാന നിയമങ്ങള്‍ ലംഘിക്കാതിരിക്കാനുള്ള പരിശീലനം നൽകിയതിന്​ ശേഷമാണ് ലൈസന്‍സ് അനുവദിക്കുക. പേ ക്ഷിക്കുന്നതിനുള്ള നടപടിക്രമങ്ങൾ ലളിതമാണ്​‍. ഇനി ഡ്രോൺ കാമറ ഉപയോഗിച്ച്​ ദൃശ്യങ്ങൾ പകർത്താം. വ്യക്തികള്‍ക്കും സ്ഥാപനങ്ങള്‍ക്കും ഇതിന്​ ലൈസന്‍സ് നൽകാൻ സിവില്‍ ഏവിയേഷന്‍ മന്ത്രാലയം തീരുമാനിച്ചു.

ഡ്രോണുകള്‍ ഉപയോഗിക്കുന്നതിന് രാജ്യത്ത്​ നിലവിൽ അപ്രഖ്യാപിത വിലക്കുണ്ട്. ഈ അവ്യക്തത നീക്കിയാണ് സിവില്‍ ഏവിയേഷന്‍ മന്ത്രാലയത്തി​​​െൻറ തീരുമാനം. ഇത്​ പ്രകാരംവിനോദത്തിനായി പറത്തുന്ന ഡ്രോണുകള്‍ക്ക് 250 ഉം ദൃശ്യങ്ങള്‍ പകര്‍ത്തുന്നവക്ക് 500 ഉം റിയാലാണ്​ ലൈസൻസ്​ ഫീസ്​. രജിസ്​ട്രേഷന്​ വിദേശികൾ ഇഖാമ ഹാജരാക്കണം. ഡ്രോണിലെ സീരിയല്‍ നമ്പര്‍ രേഖപ്പെടുത്തി ലൈസന്‍സ് അനുവദിക്കും. ഓരോ ഡ്രോണിനും പ്രത്യേകം ലൈസന്‍സ് വേണം.

പറത്താനും രജിസ്ട്രേഷന്‍ രേഖ മതി. ഇതിന്​ മുന്നോടിയായി പരിശീലനം നല്‍കും. ഡ്രോൺ പറത്താൻ പാടില്ലാത്ത മേഖലകളെ ഇൗ പരിശീലന​ത്തിലൂടെ പരിചയപ്പെടുത്തും. വിദേശത്ത് നിന്നും ഡ്രോണ്‍ കൊണ്ടുവരാനാഗ്രഹിക്കുന്നവര്‍ അതി​​​െൻറ സീരിയല്‍ നമ്പര്‍ മുന്‍കൂട്ടി രജിസ്​റ്റര്‍ ചെയ്യണം.