ഒരുക്കങ്ങൾ പൂർണം,  സുരക്ഷ ശക്​തം 

റിയാദ്​: അമേരിക്കൻ ​ പ്രസിഡൻറ്​ ഡൊണാൾഡ്​ ​ട്രംപി​​​െൻറ സന്ദർശനവും അതോടനുബന്ധിച്ച്​ നടക്കുന്ന ഉച്ച​കോടികളുടെയും ഭാഗമായി സൗദി തലസ്​ഥാന നഗരി ഒരുങ്ങി. അമേരിക്കൻ പ്രസിഡൻറിനേയും ​​50 ലധികം അറബ്​, മുസ്​ലിം രാജ്യങ്ങളിലെ ഭരണാധികാരികളേയും സ്വീകരിക്കാൻ അവർ കടന്നുപോകുന്ന ​റോഡുകളും പാലങ്ങളും പാത വക്കിലെ പ്രധാന കെട്ടിടങ്ങളുമാണ്​ വർണാലകൃത രീതിയിൽ അലങ്കരിച്ചിരിക്കുന്നത്​.

വിമാനത്താവളത്തിൽ നിന്ന്​ ഉച്ചകോടി നടക്കുന്ന ആസ്​ഥാനം വ​രെയും വിശിഷ്​ടാതിഥികൾ താമസിക്കുന്ന സ്​ഥലങ്ങൾ വരെയുമുള്ള റോഡുകളും പാലങ്ങളും​ വർണ ബൾബുകളും അതിഥികളെ സ്വാഗതം ചെയ്​തു കൊണ്ടുള്ള ഫ്ലക്​സ്​ ബോർഡുകളും കമാനങ്ങളും സ്​ഥാപിച്ചാണ്​​ അലങ്കരിച്ചിരിക്കുന്നത്​. റോഡിലൂടനീളം സൗദി, അമേരിക്കൻ പതാകകൾ സ്​ഥാപിച്ചിട്ടുണ്ട്​. സൗദിയും അമേരിക്കയും തമ്മിൽ വർഷങ്ങളായി തുടരുന്ന ബന്ധങ്ങൾ തുറന്നുകാട്ടുന്ന ഫളക്​സുകൾ റൗണ്ട്​ എബൗട്ടിലും സിഗ്​നലുകൾക്കടുത്തും ഒരുക്കിയിട്ടുണ്ട്​. 

കനത്തസുരക്ഷ സന്നാഹങ്ങൾക്ക്​ നടുവിലാണ്​ റിയാദ്​ നഗരം. നാലുറോഡുകളിലെ ഗതാഗതം വരുന്ന രണ്ടുദിവസം നിയ​ന്ത്രിക്കുമെന്ന്​ കഴിഞ്ഞദിവസം അധികൃതർ അറിയിച്ചിരുന്നു. 

ട്രംപി​​​െൻറ സന്ദർശനത്തി​​​െൻറ ഭാഗമായി നടത്തപ്പെടുന്ന അസംഖ്യം സാംസ്​കാരിക, കലാപരിപാടികളിൽ സൗദി ഗായകൻ റബാഹ്​ സഖറി​​​െൻറയും അമേരിക്കൻ ഗായകൻ ടോബി കീത്തി​​​െൻറയും സംഗീതനിശയാണ്​ പ്രധാനം.