ഹറം ആക്രമണം തടഞ്ഞ ​ൈസനികരെ കാണാൻ കിരീടാവകാശിയെത്തി

ജിദ്ദ: മക്ക ഹറം ആക്രമിക്കാൻ പദ്ധതിയിട്ട തീവ്രവാദികളെ നേരിടുന്നതിനിടെ പരിക്കേറ്റ സൈനികരെ കാണാൻ കിരീടാവകാശി അമീർ മുഹമ്മദ്​ ബിൻ സൽമാനെത്തി. ഞായറാഴ്​ച ഇൗദ്​ നമസ്​കാരശേഷമാണ്​ ആശുപത്രികളിൽ കഴിയുന്ന ധീരസൈനികരെ അമീർ മുഹമ്മദ്​ സന്ദർശിച്ചത്​. വെള്ളിയാഴ്​ചയാണ്​ മക്കഹറം ആക്രമിക്കാൻ ഒരുങ്ങിയ ഭീകരരുടെ താവളങ്ങൾ സുരക്ഷ ഉദ്യോഗസ്​ഥർ ആക്രമിച്ചത്​. റമദാനി​​​െൻറ അവസാന രാവുകളിൽ ജനനിബിഡമായ ഹറമിന്​ നേരെ ആക്രമണം നടത്താൻ മൊത്തം ഗ്രൂപ്പുകളാണ്​ ഒരുങ്ങിയത്​. മക്കയിൽ രണ്ടും ജിദ്ദയിൽ ഒന്നും. ഇൗ മൂന്നുസംഘത്തെയും വിദഗ്​ധമായി സുരക്ഷസേന നിർവീര്യമാക്കുകയായിരുന്നു. 

സംഭവത്തിൽ ഒരു ചാവേർ സ്വയം ബോംബ്​ പൊട്ടിച്ച്​ ജീവനൊടുക്കി. അഞ്ചുഭീകരരെ പിടികൂടുകയും ചെയ്​തു. സുരക്ഷസേനയിലെ അഞ്ചുപേർക്കാണ്​ പരിക്കേറ്റത്​. ഇവരെയാണ്​ അമീർ മുഹമ്മദ്​ സന്ദർശിച്ചത്​. സൈനികരുടെ ധീരതയെ പ്രകീർത്തിച്ച അദ്ദേഹം, പരിക്കുകൾ ഭേദമായി വേഗം സുഖം പ്രാപിക്ക​െട്ടയെന്ന്​ ആശംസിക്കുകയും ചെയ്​തു.