ഹദ്​റമൗത്തിൽ മാത്രം കിങ്​ സൽമാൻ സെൻറർ വിതരണം ചെയ്​തത്​ അരലക്ഷം ഭക്ഷണക്കൂടകൾ

റിയാദ്​: കിങ്​ സൽമാൻ സ​​െൻറർ ഫോർ റിലീഫ്​ ആൻറ്​ ഹ്യുമാനിറ്റേറിയൻ എയ്​ഡ്​ യമനിലെ അസ്വസ്​ഥബാധിത പ്രദേശമായ വാദി ഹദ്​റമൗത്തിൽ മാത്രം വിതരണം ചെയതത്​ അരലക്ഷം ഭക്ഷണ കൂടകൾ. ഹദ്​റമൗത്ത്​ ഗവർണറേറ്റിലെ വിവിധ ഡയറക്​ടറേറ്റുകളിലായി മൂന്നുലക്ഷത്തിലേറെ നിർധനർക്കാണ്​ ഇത്​ ഉപകാരപ്പെട്ടത്​. യമനിൽ എമ്പാടുമായി കിങ്​ സൽമാൻ സ​​െൻറർ നടത്തുന്ന വൻതോതിലുള്ള ദുരിതാശ്വാസ പ്രവർത്തനങ്ങളുടെ ഭാഗമാണിത്​. വൻ പ്രതിസന്ധി നേരിടുന്ന യമനിൽ അടിയന്തിരമായി അന്താരാഷ്​ട്ര ഇടപെടലുണ്ടായില്ലെങ്കിൽ രാജ്യം കടുത്ത വറുതിയിൽ അകപ്പെടുമെന്നും ഭീകര ദുരന്തമായിരിക്കും അതി​​​െൻറ ഫലമെന്നും കഴിഞ്ഞമാസം ​െഎക്യരാഷ്​ട്ര സഭ വ്യക്​തമാക്കിയിരുന്നു. ​െഎക്യരാഷ്​ട്ര സഭയുടെ അഭ്യർഥനയെ തുടർന്ന്​ 150 ദശലക്ഷം ഡോളറാണ്​ സൗദി അറേബ്യ അടിയന്തിരമായി യമനിലേക്ക്​ അനുവദിച്ചത്​.