ആ അപൂർവചി​​ത്രത്തിന്​ ഇവാൻകയുടെ ആദരം

ജിദ്ദ: അബ്​ദുൽ അസീസ്​ രാജാവി​​​െൻറയും റൂസ്​വെൽറ്റി​​​െൻറയും 1945​ലെ കൂടിക്കാഴ്​ചയുടെ അപൂർവ ഫോ​േട്ടാക്ക്​  ട്രംപി​​​െൻറ മകളുടെ ആദരം. അമേരിക്കൻ പ്രസിഡൻറ്​ ഡോണൾഡ്​ ട്രംപി​​​െൻറ സൗദി സന്ദർശനത്തി​നിടെ കൂടെയുണ്ടായിരുന്ന​ മകൾ ഇവാൻകയും ഭർത്താവ്​ ജറഡ്​ കുഷ്​നെറും റിയാദിലെ മ്യൂസിയത്തിൽ ചരിത്രഫോ​േട്ടാ കാണുന്ന ദൃശ്യം  ഇൻസ്​റ്റഗ്രാമിൽ പോസ്​റ്റ്​ ചെയ്​താണ്​ അവൾ വിസ്​മയവും ആദരവും അറിയിച്ചത്​. 1945ൽ സൗദി ഭരണാധികാരി അബ്​ദുൽ അസീസ്​ രാജാവ്​ അന്നത്തെ അമേരിക്കൻ പ്രസിഡൻറ്​ ഫ്രാങ്ക്​ളിൻ ഡി റൂസ്​വെൽറ്റുമായി കൂടിക്കാഴ്​ച നടത്തുന്ന അപൂർവഫോ​േട്ടായാണ്​ ഇവാൻക ഇൻസ്​റ്റഗ്രാമിൽ പോസ്​റ്റ്​ ചെയതിരിക്കുന്നത്​.

ശനിയാഴ്​ച പോസ്​റ്റ്​ ചെയ്​ത പടത്തിന്​ ഒരു ദിവസം കൊണ്ട് 64500  ലൈകും 1585 കമൻറുകളുമുണ്ട്​. ട്രംപി​​​െൻറ സൗദി സന്ദർശനത്തിൽ ഇവാൻക സാമൂഹികമാധ്യമങ്ങളിലെ മുഖ്യാതിഥിയായിരുന്നു. സൗദിയിലെ വനിതകളുമായി കൂടിക്കാഴ്​ച നടത്തിയ ഇവാൻക വിദ്യാഭ്യാസ സാംസ്​കാരിക മേഖലയിൽ സ്​ത്രീകൾക്കിടയിലുണ്ടായ വിപളവകരമായ മാറ്റത്തെ പ്രശംസിച്ചിരുന്നു.