മക്ക അസി.​ ഗവർണർ  റമദാൻ പ്രവർത്തനങ്ങൾ വിലയിരുത്തി

മക്ക: മസ്​ജിദുൽ ഹറാമിലെ റമദാൻ പ്രവർത്തന പദ്ധതികളും മൂന്നാംഘട്ട സൗദി വികസന പ്രവർത്തനങ്ങളും മക്ക മേഖല അസി.​ ഗവർണർ അമീർ അബ്​ദുല്ലാഹി ബിൻ ബന്ദർ സന്ദർശിച്ചു.
 മക്ക ഗവർണർ അമീർ ഖാലിദ്​ അൽഫൈസലി​​​െൻറ നിർദേശത്തെ തുടർന്നാണിത്​. മത്വാഫും മസ്​അയും ഉംറ തീർഥാടകർക്ക്​ മാത്രമാക്കണമെന്ന നിർദേശം പാലിക്കുന്നുണ്ടോയെന്ന്​ അദ്ദേഹം ഉറപ്പുവരുത്തി. 
റമദാനിലെ പ്രവർത്തനങ്ങൾ ഉദ്യോഗസ്​ഥർ അദ്ദേഹത്തിന്​ വിശദീകരിച്ചു കൊടുത്തു.
 വടക്ക്​ ഭാഗത്ത്​ പ്രവർത്തിക്കുന്ന ഹറം ആശുപത്രിയും തെക്ക്​, പടിഞ്ഞാറ്​ മുറ്റങ്ങളും അദ്ദേഹം സന്ദർശിച്ചു. പൊതു സുരക്ഷ മേധാവി ജനറൽ ഉസ്​മാൻ അൽമുഹ്​രിജ്​, അടിയന്തിര സേന മേധാവി ജനറൽ ഖാലിദ്​ ബിൻ ഖറാർ, അസി.​ ഹജ്ജ്​ ഉംറ സുരക്ഷ മേധാവി കേണൽ സഉൗദ്​ അൽഖുലൈവി, മക്ക മേഖല പൊലീസ്​ മേധാവി കേണൽ സഇൗദ്​ അൽഖർനി തുടങ്ങിയവർ  അസി.​ ഗവർണറെ അനുഗമിച്ചു.