നിരത്തുകളില്‍ ഭീതി വിതച്ച് വാഹനാഭ്യാസം; മുന്നറിയിപ്പുമായി അധികൃതര്‍

ജിദ്ദ: നിരത്തുകളില്‍ ഭീതിവിതച്ച് ചെറുപ്പക്കാരുടെ വാഹനാഭ്യാസം വീണ്ടും. 
അപകടകരമായ നിലയില്‍ വാഹനമോടിക്കുന്നതിന്‍െറയും അഭ്യാസം നടത്തുന്നതിന്‍െറയും വീഡിയോ ദൃശ്യങ്ങള്‍ വൈറലായതിനെ തുടര്‍ന്ന് മുന്നറിയിപ്പുമായി അധികൃതര്‍ രംഗത്തത്തെി. പ്രധാന നിരത്തില്‍ ടെയോട്ട എഫ്.ജെ ക്രൂയിസര്‍ ഉപയോഗിച്ച്  അപകടകരമായ അഭ്യാസം നടത്തിയ സംഘത്തിന് വേണ്ടി അന്വേഷണം പുരോഗമിക്കുകയാണ്.  
അതിവേഗം പായുന്ന കാറിനെ ചരിച്ച് ഒരുവശത്തെ ടയറുകള്‍ അഴിച്ച് വീണ്ടും ഫിറ്റ് ചെയ്യുന്നതാണ് വീഡിയോയിലുള്ളത്. ഓടിക്കുന്നവരുടെയും മറ്റ് വാഹനയാത്രക്കാരുടെയും സുരക്ഷയെ ബാധിക്കുന്ന തരത്തില്‍ ഇങ്ങനെ അഭ്യാസം കാണിക്കുന്നവര്‍ക്ക് കടുത്ത ശിക്ഷ ഉറപ്പാക്കുന്ന തരത്തില്‍ ഏതാനും മാസങ്ങള്‍ക്ക് മുമ്പാണ് നിയമം ഭേദഗതി ചെയ്തത്.