ചരിത്ര നിമിഷം പങ്കുവെച്ച്​ കിഴക്കൻ പ്രവിശ്യയിൽ വനിതകളുടെ ആഹ്ലാദ പ്രകടനം

ദമ്മാം: സൗദിയുടെ ചരിത്രത്തി​​ൽ പുത്തൻ അധ്യായം രചിച്ച്​ നിരത്തുകളിൽ വാഹനമോടിച്ച്​ ആഹ്ലാദം പങ്കുവെക്കുകയാണ്​ കിഴക്കൻ പ്രവിശ്യയിലെ വനിത ഡ്രൈവർമാർ. നിരവധി സ്വദേശി-വിദേശി വനിതകൾ ആദ്യമായി സൗദിയിൽ വാഹനമോടിക്കുന്ന ചരിത്ര നിമിഷം ദൃ​ശ്യങ്ങളടക്കം സാമൂഹിക മാധ്യമങ്ങളിൽ പങ്കുവെച്ചു. സൗദി അറേബ്യ-ബഹ്​റൈൻ കിങ്​ ഫഹദ്​ കോസ്​വെയിലൂടെ വാഹനമോടിച്ച വനിതകളുടെ വീഡിയോ ദൃശ്യങ്ങൾക്ക്​ വൻ സ്വീകാര്യതയാണ്​ ലഭിച്ചത്​. കുവൈത്തിൽ നിന്ന്​ ഖഫ്​ജി അതിർത്തി വഴിയും നിരവധി വനിതകൾ വാഹനമോടിച്ചെത്തി. നാനാതുറകളിലെയും വനിതകൾ അവരുടെ സന്തോഷവും കൗതുകവും പങ്കു​െവച്ചുള്ള നിരവധി പ്രതികരണങ്ങളാണ്​ പ്രാദേശിക മാധ്യമങ്ങൾ റിപ്പോർട്ട്​ ചെയ്യുന്നത്​. ഒ​േട്ടറെ ബഹ്​റൈനി സ്വദേശി വനിതകളും ഇതര ജി.സി.സി രാഷ്​ട്രങ്ങളിലെ വനിതകളും സൗദി നിരത്തുകളിൽ വാഹനമോടിച്ചു. 

വനിതകൾക്ക്​ ഡ്രൈവിങ്ങിനുള്ള അനുമതി നൽകുന്നതിലൂടെ സ്​ത്രീകൾക്ക്​ സ്വയം പര്യാപ്​തത കൈവരിക്കാനാവുമെന്നും അവരുടെ ജീവിത നിലവാരം ഉയ​​​രുമെന്നും പ്രമുഖ ചിത്രകാരിയായ വിജ്​ദാൻ സാലിഹ്​ അഭിപ്രായപ്പെട്ടു. അതേ സമയം, തുടക്കത്തിൽ ബന്ധപ്പെട്ട വകുപ്പുകളുടെ കാര്യക്ഷമമായ ഇടപെടലും സഹായ സഹകരണങ്ങളും വനിതകൾക്ക്​ ഇൗ വിഷയത്തിൽ ഉണ്ടാവണമെന്നും അവർ ഉണർത്തി. ​ 

വനിതകൾ വാഹനം ഒാടിക്കുന്നത്​ കൂടുതൽ സ്​ത്രീ ശാക്​തീകരണത്തിന്​ സഹായമാകുമെന്നും സമൂഹത്തിലെ നല്ലൊരു ശതമാനം ആളുകളും ഇൗ ആശയത്തെ ശരിവെക്കുന്നതായും അത്​ സമൂഹത്തി​​​െൻറ സത്വര പുരോഗതിക്ക്​ കാരണമാവുമെന്ന പക്ഷക്കാരാണെന്നും നൂറ അൽഹജ്​രി അഭിപ്രായപ്പെട്ടു. വനിതാ ഡ്രൈവിങി​​​െൻറ പശ്ചാതലത്തിൽ കിഴക്കൻ പ്രവിശ്യ ട്രാഫിക്​ വകുപ്പി​​​െൻറ നേതൃത്വത്തിൽ വിവിധ വകുപ്പുകളുടെ സഹായത്തോടെ കിങ്​ ഫഹദ്​ കോസ്​ ​െവയിലും മറ്റിടങ്ങളിലും മതിയായ മുന്നൊരുക്കം നടത്തിയിരുന്നതായി അധികൃതർ വ്യക്​തമാക്കി.