ഹുദൈദ വാസികൾക്ക്​ സഹായവുമായി സൗദിയിൽ നിന്ന്​ ട്രക്കുകൾ

ജിദ്ദ: യമനിലെ ഹുദൈദയിലെ ജനങ്ങൾക്ക്​ സഹായമായി സൗദി വക 18 ട്രക്ക്​ ഭക്ഷണ വസ്​തുക്കൾ. അൽവദീഅ അതിർത്തി ചെക്ക്​പോസ്​റ്റ്​​ വഴി കഴിഞ്ഞ ദിവസമാണ്​ ഇത്രയും ഭക്ഷ്യവസ്​തുക്കളുമായി ട്രക്കുകൾ യാത്ര​ തിരിച്ചത്​. അയൽരാജ്യമായ യമനിലെ സഹോദരന്മാരുടെ ​പ്രയാസങ്ങൾക്ക്​ ആശ്വാസം നൽകുന്നതി​​​െൻറ ഭാഗമായാണ്​ സഹായങ്ങളെന്ന്​ കിങ്​ സൽമാൻ  റിലീഫ്​ സ​​െൻറർ ജനറൽ സൂപർവൈസർ ഡോ. അബ്​ദുല്ല അൽ റബീഅ പറഞ്ഞു. 
18 ട്രക്കുകളിലായി 2,28,142 കിലോ ഭക്ഷ്യകിറ്റുകളും 1,33,320 കിലോ ഇൗന്തപഴവുമാണ്​.

ഹുദൈദ മേഖലയിലെ ഏറ്റവും ആവശ്യക്കാർക്ക്​ വരും ദിവസങ്ങളിൽ ഇവ വിതരണം ചെയ്യും. അടുത്ത ബുധനാഴ്​ച മറ്റൊരു വാഹനവ്യൂഹവും പുറപ്പെടും. കടൽ, ​േവ്യാമ വഴി സഹായങ്ങൾ എത്തിക്കുന്നതിനെക്കുറിച്ചും സ​​െൻറർ ആലോചിച്ചുവരികയാണ്​. ആവശ്യക്കാർക്ക്​ സഹായങ്ങൾ ഏറ്റവും പെ​െട്ടന്ന്​ എത്തിക്കാനാണ്​ കിങ്​ സൽമാൻ റിലീഫ്​ കേന്ദ്രം ശ്രമിച്ചുകൊണ്ടിരിക്കുന്നത്​. യമനിലെ മുഴുവൻ മേഖലകളിലും പ്രത്യേകിച്ച്​ ഹു​​ദൈദയിൽ മാനുഷികമായ സഹായങ്ങൾ എത്തിക്കാൻ അന്താരാഷ്​ട്ര സംഘടനകളോട്​ ഡോ. അബ്​ദുല്ല റബീഅ ആവശ്യപ്പെട്ടു.