ചെ​ങ്ക​ട​ലി​ൽ ക്രൂ​സ്‌ ക​പ്പ​ൽ യാ​ത്ര​യു​ടെ നാ​ലാം സീ​സ​ണി​നൊ​രു​ങ്ങി സൗ​ദി ടൂ​റി​സം വ​കു​പ്പ്

യാം​ബു: ചെ​ങ്ക​ട​ലി​ൽ ക്രൂ​സ്‌ ക​പ്പ​ൽ യാ​ത്ര​യു​ടെ നാ​ലാം സീ​സ​ൺ ആ​രം​ഭി​ക്കാ​നു​ള്ള ഒ​രു​ക്ക​ത്തി​ലാ​ണ് സൗ​ദി ടൂ​റി​സം വ​കു​പ്പ്. സൗ​ദി പ​ബ്ലി​ക് ഇ​ൻ​വെ​സ്​​റ്റ്​​മെൻറ്​ ഫ​ണ്ടി​െൻറ ഉ​ട​മ​സ്ഥ​ത​യി​ലു​ള്ള ക്രൂ​സ്‌ ക​പ്പ​ൽ വ്യ​വ​സാ​യം ഇ​തി​ന​കം സൗ​ദി​യു​ടെ ടൂ​റി​സം വി​ക​സ​ന​ത്തി​ൽ ഏ​റെ ശ്ര​ദ്ധേ​യ​മാ​യ ഒ​ന്നാ​യി മാ​റി​യി​ട്ടു​ണ്ട്. സൗ​ദി​യി​ലെ പ്ര​മു​ഖ ട്രാ​വ​ൽ ക​മ്പ​നി​യു​ടെ ഉ​പ​സ്ഥാ​പ​ന​മാ​യ ‘ഡി​സ്‌​ക​വ​ർ സൗ​ദി’​യു​മാ​യു​ള്ള അ​തി​െൻറ തു​ട​ർ​ച്ച​യാ​യ സ​ഹ​ക​ര​ണ​ത്തിെൻറ ഭാ​ഗ​മാ​യി നാ​ലാം സീ​സ​ൺ യാ​ത്രാ​ക​രാ​ർ ഇ​തി​ന​കം പു​തു​ക്കി​യ​താ​യി അ​ധി​കൃ​ത​ർ അ​റി​യി​ച്ചു.

കി​ങ് അ​ബ്​​ദു​ല്ല ഇ​ക്ക​ണോ​മി​ക് സി​റ്റി​യി​ൽ​നി​ന്നും യാം​ബു വ​ഴി യാ​ത്ര തി​രി​ക്കു​ന്ന ക​പ്പ​ൽ വി​വി​ധ പ്ര​ദേ​ശ​ങ്ങ​ളി​ൽ ചു​റ്റി​ക്ക​റ​ങ്ങി വീ​ണ്ടും കി​ങ് അ​ബ്​​ദു​ല്ല ഇ​ക്ക​ണോ​മി​ക് സി​റ്റി​യി​ലേ​ക്ക് മ​ട​ങ്ങും. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി ചെ​ങ്ക​ട​ലി​ലെ ക്രൂ​സ് ക​പ്പ​ൽ ഉ​ല്ലാ​സ യാ​ത്ര നി​ർ​ത്തി​വെ​ച്ചി​രു​ന്നു. ദ്വീ​പു​ക​ൾ, ബീ​ച്ചു​ക​ൾ, വ​ർ​ണാ​ഭ​മാ​യ പ​വി​ഴ​പ്പു​റ്റു​ക​ൾ തു​ട​ങ്ങി ചെ​ങ്ക​ട​ലി​ലെ മ​നോ​ഹ​ര​മാ​യ കാ​ഴ്ച​ക​ൾ കാ​ണാ​നും ആ​സ്വ​ദി​ക്കാ​നും സ​ഞ്ചാ​ര​പ്രി​യ​ർ​ക്ക് അ​വ​സ​ര​മൊ​രു​ക്കാ​ൻ ല​ക്ഷ്യം​വെ​ച്ചാ​ണ് ക്രൂ​സ്‌ ക​പ്പ​ൽ​യാ​ത്ര ഒ​രു​ക്കി​യി​ട്ടു​ള്ള​ത്.

സ്​​റ്റീം ബാ​ത്ത് അ​ട​ക്ക​മു​ള്ള എ​ല്ലാ​വി​ധ ആ​ധു​നി​ക സൗ​ക​ര്യ​ങ്ങ​ളും ക​പ്പ​ലി​ൽ സ​ജ്ജീ​ക​രി​ച്ചി​ട്ടു​ണ്ട്. സ​ഞ്ചാ​രി​ക​ൾ​ക്ക്‌ ആ​വ​ശ്യ​മാ​യ സേ​വ​നം ന​ൽ​കാ​ൻ പ്ര​ഫ​ഷ​ന​ൽ സം​ഘ​വും ഉ​ണ്ടാ​വും. രു​ചി​ക​ര​മാ​യ സൗ​ദി ഭ​ക്ഷ്യ​വി​ഭ​വ​ങ്ങ​ളും വി​ള​മ്പും. മ​ക്ക​യും മ​ദീ​ന​യും സ​ന്ദ​ർ​ശി​ക്കാ​നെ​ത്തി​യ 5,200ല​ധി​കം പേ​രും ക​ഴി​ഞ്ഞ സീ​സ​ണി​ൽ ക്രൂ​സ് ക​പ്പ​ൽ യാ​ത്ര ഉ​പ​യോ​ഗ​പ്പെ​ടു​ത്തി​യി​രു​ന്നു. പ്രാ​ദേ​ശി​ക, അ​ന്ത​ർ​ദേ​ശീ​യ സ​ന്ദ​ർ​ശ​ക​രെ കൂ​ടു​ത​ൽ ആ​ക​ർ​ഷി​ക്കാ​നു​ള്ള വി​വി​ധ പ​ദ്ധ​തി​ക​ൾ ഇ​ത്ത​വ​ണ ആ​സൂ​ത്ര​ണം ചെ​യ്യു​ന്നു​ണ്ട്.

സൗ​ദി​യി​ലെ ആ​ഭ്യ​ന്ത​ര വി​നോ​ദ​സ​ഞ്ചാ​ര​ത്തെ പ്രോ​ത്സാ​ഹി​പ്പി​ക്കു​ന്ന​തി​നും രാ​ജ്യാ​ന്ത​ര യാ​ത്രാ​കേ​ന്ദ്ര​മെ​ന്ന നി​ല​യി​ൽ രാ​ജ്യ​ത്തി​െൻറ വ​ള​ർ​ച്ച​യെ സ​മ്പ​ന്ന​മാ​ക്കു​ന്ന​തി​നു​മു​ള്ള കാ​ഴ്ച​പ്പാ​ടോ​ടെ​യാ​ണ് സൗ​ദി ടൂ​റി​സം വ​കു​പ്പ് വി​വി​ധ പ​ദ്ധ​തി​ക​ൾ ന​ട​പ്പാ​ക്കു​ന്ന​ത്. സീ​സ​ൺ നാ​ലി​ലെ ചെ​ങ്ക​ട​ലി​ൽ ക്രൂ​സ്‌ ക​പ്പ​ൽ യാ​ത്ര​ക്ക് ഒ​രു​ക്കം തു​ട​ങ്ങു​മ്പോ​ൾ ഏ​റെ സ​ന്തോ​ഷ​മു​ണ്ടെ​ന്നും മി​ക​വു​റ്റ യാ​ത്രാ​സം​വി​ധാ​ന​ങ്ങ​ൾ ഒ​രു​ക്കി വേ​റി​ട്ട യാ​ത്രാ​നു​ഭ​വം പ​ക​രാ​ൻ സ​ഞ്ചാ​രി​ക​ൾ​ക്ക് അ​വ​സ​രം കി​ട്ടു​ന്ന​ത് വേ​റി​ട്ട അ​നു​ഭ​വം സ​മ്മാ​നി​ക്കു​മെ​ന്നും ക്രൂ​സ് സൗ​ദി ചീ​ഫ് എ​ക്‌​സി​ക്യൂ​ട്ടി​വ് ഓ​ഫി​സ​ർ ലാ​ർ​സ് ക്ല​സെ​ൻ പ​റ​ഞ്ഞു.

2035ഓ​ടെ 13 ല​ക്ഷം ക്രൂ​സ് സ​ന്ദ​ർ​ശ​ക​രെ സ്വാ​ഗ​തം ചെ​യ്യു​ക​യെ​ന്ന ല​ക്ഷ്യ​ത്തോ​ടെ​യാ​ണ് അ​ധി​കൃ​ത​ർ പ​ദ്ധ​തി ആ​വി​ഷ്‌​ക​രി​ക്കു​ന്ന​ത്. ചെ​ങ്ക​ട​ൽ തീ​ര​ങ്ങ​ളി​ലെ വി​ക​സ​ന​ത്തി​നും ക​ട​ൽ​യാ​ത്ര​യു​ടെ മി​ക​വി​നും സൗ​ദി ടൂ​റി​സം മേ​ഖ​ല​യു​ടെ വ​ള​ർ​ച്ച​ക്കും ക്രൂ​സ് ക​പ്പ​ൽ സ​ർ​വി​സ് വ്യാ​പ​ക​മാ​ക്കു​ന്ന​തോ​ടെ ക​ഴി​യു​മെ​ന്നും അ​ധി​കൃ​ത​ർ ക​ണ​ക്കു​കൂ​ട്ടു​ന്നു. 2025 ആ​കു​ന്ന​തോ​ടെ ഈ ​മേ​ഖ​ല​യി​ൽ അ​ര​ല​ക്ഷം തൊ​ഴി​ല​വ​സ​ര​ങ്ങ​ൾ ഉ​ണ്ടാ​ക്കാ​ൻ ക​ഴി​യു​മെ​ന്നും ടൂ​റി​സം അ​തോ​റി​റ്റി പ്ര​തീ​ക്ഷി​ക്കു​ന്നു.

2028 ആ​കു​മ്പോ​ഴേ​ക്കും ക്രൂ​സ് ക​പ്പ​ലു​ക​ളി​ൽ പ്ര​തി​വ​ർ​ഷം യാ​ത്ര ചെ​യ്യു​ന്ന ടൂ​റി​സ്​​റ്റു​ക​ളു​ടെ എ​ണ്ണം 15 ല​ക്ഷ​മാ​യി ഉ​യ​ർ​ത്താ​നും ല​ക്ഷ്യം വെ​ക്കു​ന്ന​താ​യി സൗ​ദി ക്രൂ​സ് ക​മ്പ​നി മാ​നേ​ജി​ങ് ഡ​യ​റ​ക്​​ട​ർ എ​ൻ​ജി. ഫ​വാ​സ് ഫാ​റൂ​ഖി പ​റ​ഞ്ഞു. ‘സൗ​ദി വി​ഷ​ൻ 2030’ ല​ക്ഷ്യം വെ​ക്കു​ന്ന സ​മു​ദ്ര വി​നോ​ദ സ​ഞ്ചാ​ര മേ​ഖ​ല​യി​ലെ വി​ക​സ​നം ഫ​ലം കാ​ണാ​ൻ വ​മ്പി​ച്ച കു​തി​ച്ചു​ചാ​ട്ട​മാ​ണ് ടൂ​റി​സം അ​തോ​റി​റ്റി​യു​ടെ ഓ​രോ പ​ദ്ധ​തി​ക​ളി​ലും ദൃ​ശ്യ​മാ​കു​ന്ന​ത്. രാ​ജ്യ​ത്തെ മി​ക​ച്ച വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ, യു​നെ​സ്‌​കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഇ​ടം പി​ടി​ച്ച സ്ഥ​ല​ങ്ങ​ൾ എ​ന്നി​വ​യ​ട​ക്കം സൗ​ദി​യു​ടെ ച​രി​ത്ര സാം​സ്‌​കാ​രി​ക പൈ​തൃ​ക​ങ്ങ​ളും സ​മു​ദ്ര വി​നോ​ദ സ​ഞ്ചാ​രി​ക​ൾ​ക്ക് കാ​ണാ​നും അ​വ​സ​രം ന​ൽ​കു​ന്ന വി​വി​ധ യാ​ത്രാ​പാ​ക്കേ​ജു​ക​ളാ​ണ് ഇ​പ്പോ​ൾ അ​ധി​കൃ​ത​ർ ആ​സൂ​ത്ര​ണം ചെ​യ്യു​ന്ന​ത്.