സൗദി-തുനീഷ്യ സാംസ്​കാരിക സൗഹൃദ പദ്ധതികൾ ഉദ്​ഘാടനം ചെയ്​തു

ജിദ്ദ: തുനീഷ്യൻ സന്ദർശനത്തിനിടെ സൽമാൻ രാജാവും തുനീഷ്യൻ പ്രസിഡൻറും ചേർന്ന്​ ഉദ്​ഘാടനം ചെയ്​തത്​ ഇരുരാജ്യങ്ങ ൾക്കിടയിലെ സാംസ്​കാരിക സൗഹൃദ പദ്ധതികൾ. ഉഖ്​ബത്ത്​ ബിൻ നാഫിഅ്​ പള്ളി, സൈത്തൂന പളളി എന്നിവയുടെ നവീകരണ പദ്ധതിയു ടെ ഉദ്​ഘാടനം​ സൽമാൻ രാജാവ് നിർവഹിച്ചു​. തുനീഷ്യയിലെ പുരാതന പള്ളികളാണിവ​. ഹിജ്​റ വർഷം 50 നാണ്​ ഉഖ്​ബത്ത്​ ബിൻ നാഫ ിഅ്​ പള്ളി നിർമിച്ചത്​.

9700 ചതുരശ്ര മീറ്ററിൽ സ്​ഥിതി ചെയ്യുന്ന പള്ളിയും മുറ്റങ്ങളും ആകർഷണീയമായ ഇസ്​ലാമിക വാസ്​തുവിദ്യകളോടെയാണ്​​ നിർമിച്ചിരിക്കുന്നത്​. അതോടൊപ്പം നവീകരിക്കാൻ പോകുന്ന ഖൈറുവാനിലെ ‘മദീനത്തുൽ അത്വീഖ’ ചരിത്രപുരാതന പട്ടണമാണ്​. 1988 ലാണ്​ ഇൗ പട്ടണം യുനസ്​കോ പൈതൃക പട്ടികയിൽ ഇടം നേടിയത്​. 37 ഹെക്​ടറിലാണ്​ ഇത്​ സ്​ഥിതി ചെയ്യുന്നത്​. സൈത്തൂൻ പള്ളി തുനീഷ്യയിലെ ഏറ്റവും പുരാതന പള്ളികളിലൊന്നാണ്​. ഹിജ്​റ 79 ലാണ്​ ഇത്​ നിർമിച്ചത്​. 5000 ചതുരശ്ര മീറ്ററിലാണ്​ പള്ളി സ്​ഥിതി ചെയ്യുന്നത്​. ഖൈറുവാനിൽ കിങ്​ സൽമാൻ ആശുപത്രി നിർമിക്കുന്ന പദ്ധതിയും സൽമാൻ രാജാവ്​ ഉദ്​ഘാടനം ചെയ്​തു. ആരോഗ്യമേഖലയിൽ എടുത്തുപറയേണ്ട പദ്ധതിയായിരിക്കും ഇതെന്നാണ്​ വിലയിരുത്തുന്നത്​.

തുനീഷ്യൻ ജനതക്ക്​ ലഭിച്ച ഏറ്റവും വലിയ ഉപഹാരമായാണിത്​ വിലയിരുത്തപ്പെടുന്നത്​​​. ഖൈറുവാനിലും പരിസരങ്ങളിലുമുള്ളവർക്ക്​ ആരോഗ്യ മേഖലയിൽ ഇത്​ വലിയ സഹായകമാകും​. 85 ദശലക്ഷം ഡോളറാണ്​ ആശുപത്രിക്ക്​ ചെലവ്​ പ്രതീക്ഷിക്കുന്നത്​. 15 ഹെക്​ടറിൽ നടപ്പിലാക്കുന്ന ആശുപത്രി പദ്ധതിയിൽ 500 പേരെ കിടത്തി ചികിത്സിക്കാനുള്ള സൗകര്യമുണ്ടാകും. 21 മെഡിക്കൽ ക്ലിനിക്കുകളോട്​ കൂടിയതായിരിക്കും പദ്ധതി. ലോകത്തെ ഏറ്റവും നൂതന സംവിധാനങ്ങളോട്​ കൂടിയാണ്​ ഇവ നിർമിക്കുക.