വേ​ന​ലി​ന് കു​ളി​ര്​ പ​ക​ർ​ന്ന്  യാം​ബു ക​ട​ലോ​ര ഉ​ദ്യാ​നം  

യാം​ബു: രാ​ജ്യ​ത്തെ ആ​ഭ്യ​ന്ത​ര വി​നോ​ദ സ​ഞ്ചാ​ര പ​ദ്ധ​തി​യു​ടെ ഭാ​ഗ​മാ​യി സെ​പ്റ്റം​ബ​ർ 30വ​രെ നീ​ളു​ന്ന ‘ത​ന​ഫു​സ്’ സ​മ്മ​ർ സീ​സ​ൺ കാ​മ്പ​യി​ൻ ജ​ന​ങ്ങ​ളെ ആ​ക​ർ​ഷി​ക്കു​ന്നു. രാ​ജ്യ​ത്തെ പ്ര​ധാ​ന ടൂ​റി​സ്​​റ്റ്​ കേ​ന്ദ്ര​ങ്ങ​ളി​ലെ​ല്ലാം സ​ന്ദ​ർ​ശ​ക​ർ എ​ത്തി​ത്തു​ട​ങ്ങി. കോ​വി​ഡ് നി​യ​ന്ത്ര​ണ​ങ്ങ​ളു​ടെ ഭാ​ഗ​മാ​യി ഏ​ർ​പ്പെ​ടു​ത്തി​യ യാ​ത്രാ​വി​ല​ക്ക്​ നീ​ങ്ങി​യ​തോ​ടെ​യാ​ണ് സ​ഞ്ചാ​രി​ക​ൾ കു​ടും​ബ​സ​മേ​തം പ്ര​കൃ​തി സൗ​ന്ദ​ര്യം തേ​ടി ആ​രോ​ഗ്യ​മു​ൻ​ക​രു​ത​ലു​ക​ൾ സ്വീ​ക​രി​ച്ച്​ ടൂ​റി​സ്​​റ്റ്​ കേ​ന്ദ്ര​ങ്ങ​ൾ സ​ന്ദ​ർ​ശി​ക്കാ​ൻ തു​ട​ങ്ങി​യ​ത്. യാം​ബു വ്യ​വ​സാ​യ ന​ഗ​ര​ത്തോ​ട്​ ചേ​ർ​ന്ന്​ ചെ​ങ്ക​ട​ലി​നോ​ട്​ ചേ​ർ​ന്ന്​ 11 കി​ലോ​മീ​റ്റ​ർ നീ​ള​ത്തി​ൽ അ​തി​വി​ശാ​ല​മാ​യി​ക്കി​ട​ക്കു​ന്ന ക​ട​ലോ​ര ഉ​ദ്യാ​നം സ​ന്ദ​ർ​ശ​ക​ർ​ക്ക് ഹൃ​ദ്യ​മാ​യ കാ​ഴ്ചാ​നു​ഭ​വം ഒ​രു​ക്കു​ന്നു. 

കു​ടും​ബ​സ​മേ​തം ഒ​രു​മി​ച്ചി​രി​ക്കാ​നും ഏ​തു പ്രാ​യ​ക്കാ​ർ​ക്കും ആ​സ്വ​ദി​ക്കാ​നും ആ​വ​ശ്യ​മാ​യ എ​ല്ലാ സം​വി​ധാ​ന​ങ്ങ​ളും ഉ​ദ്യാ​ന​ത്തി​ൽ സ​ജ്ജ​മാ​ണ്. വൃ​ത്താ​കൃ​തി​യി​ൽ പ്ര​ത്യേ​ക രീ​തി​യി​ൽ രൂ​പ​ക​ൽ​പ​ന ചെ​യ്ത എ​ണ്ണ​മ​റ്റ വി​ശ്ര​മ​ക്കൂ​ടാ​ര​ങ്ങ​ളും വൃ​ത്തി​യു​ള്ള ടോ​യ്​​ല​റ്റ് സൗ​ക​ര്യ​ങ്ങ​ളും പ്രാ​ർ​ഥ​നാ​യി​ട​ങ്ങ​ളു​മെ​ല്ലാം സ​ന്ദ​ർ​ശ​ക​രെ ഇ​ങ്ങോ​ട്ട് ആ​ക​ർ​ഷി​ക്കു​ന്ന ഘ​ട​ക​ങ്ങ​ളാ​ണ്. മ​നോ​ഹ​ര​മാ​യ ന​ട​പ്പാ​ത​ക​ളും പ​ച്ച​വി​രി​ച്ച വി​ശാ​ല​മാ​യ പു​ൽ​പ്പ​ര​വ​താ​നി​യും ഈ ​ചാ​രു​ത​യേ​റി​യ പാ​ർ​ക്കി​​െൻറ വേ​റി​ട്ട  സ​വി​ശേ​ഷ​ത​യാ​ണ്. ക​ട​ലി​ൽ ഉ​ല്ലാ​സ യാ​ത്ര​ക​ൾ ഒ​രു​ക്കി സ​ന്ദ​ർ​ശ​ക​രെ ആ​വോ​ളം മ​നം കു​ളി​ർ​പ്പി​ക്കു​ന്ന ഇ​വി​ടു​ത്തെ ഒ​രി​ട​മാ​ണ് ‘യൂ​ത്ത് ബീ​ച്ച്’. ബോ​ട്ടു​യാ​ത്ര​ക​ളും വാ​ട്ട​ർ സ്‌​കൂ​ട്ട​ർ സം​വി​ധാ​ന​ങ്ങ​ളും ഇ​വി​ടെ ഒ​രു​ക്കി​യി​ട്ടു​ണ്ട്. ഇ​വി​ടെ ക​ട​ലി​ൽ നീ​ന്താ​ൻ സു​ര​ക്ഷാ​വ​ല​യ​മൊ​രു​ക്കി പ്ര​ത്യേ​കം ഇ​ട​ങ്ങ​ൾ ത​ന്നെ നി​ശ്ച​യി​ച്ചി​ട്ടു​ണ്ട്. 

കാ​യി​ക​പ്രേ​മി​ക​ൾ​ക്ക്​ അ​വ​രു​ടെ താ​ൽ​പ​ര്യ​പ്ര​കാ​രം ടെ​ന്നീ​സ്, വോ​ളി​ബാ​ൾ, ഫു​ട്ബാ​ൾ, ബാ​സ്ക​റ്റ് ബാ​ൾ തു​ട​ങ്ങി​യ കാ​യി​ക വി​നോ​ദ​ങ്ങ​ൾ പ​രി​ശീ​ലി​ക്കാ​ൻ വി​ശാ​ല​മാ​യ സൗ​ക​ര്യ​ങ്ങ​ളും പാ​ർ​ക്കി​ലു​ണ്ട്. റോ​യ​ൽ ക​മീ​ഷ​ൻ അ​തോ​റി​റ്റി​യാ​ണ്​ മ​ധ്യ​പൂ​ർ​വേ​ഷ്യ​യി​ലെ ത​ന്നെ ഏ​റ്റ​വും വ​ലി​യ പാ​ർ​ക്കു​ക​ളി​ലൊ​ന്നാ​യി ഇ​തി​നെ മാ​റ്റി​യെ​ടു​ത്ത​ത്. ചൈ​ന​യി​ലെ വി​ദ​ഗ്​​ധ നി​ർ​മാ​ണ ക​മ്പ​നി​യു​ടെ മേ​ൽ​നോ​ട്ട​ത്തി​ലാ​യി​രു​ന്നു പാ​ർ​ക്കി​​െൻറ സം​വി​ധാ​ന​ങ്ങ​ൾ ഒ​രു​ക്കി​യി​രു​ന്ന​ത്. അ​തു​കൊ​ണ്ട് യാം​ബു നി​വാ​സി​ക​ളി​ലെ പ​ല​രും ഈ ​പാ​ർ​ക്കി​നെ ‘ചൈ​ന പാ​ർ​ക്ക്’ എ​ന്നാ​ണ് വി​ളി​ക്കു​ന്ന​ത്. ഹ​രി​താ​ഭ​മാ​യ പ്ര​കൃ​തി​ദൃ​ശ്യ​ങ്ങ​ളും തെ​ളി​മ​യാ​ർ​ന്ന ക​ട​ൽ​കാ​ഴ്‌​ച​ക​ളും വി​നോ​ദ​ത്തി​നാ​യി ഒ​രു​ക്കി​യ വൈ​വി​ധ്യ​മാ​ർ​ന്ന സം​വി​ധാ​ന​ങ്ങ​ളും സ​ന്ദ​ർ​ശ​ക​രെ ഉ​ല്ലാ​സ​ദാ​യ​ക​മാ​ക്കു​ന്നു. സാ​യാ​ഹ്​​ന​ങ്ങ​ളി​ൽ സ്വ​ദേ​ശി​ക​ളും വി​ദേ​ശി​ക​ളും കു​ടും​ബ​സ​മേ​ത​വും അ​ല്ലാ​തെ​യും പ്ര​കൃ​തി​ര​മ​ണീ​യ​മാ​യ ഉ​ദ്യാ​നം ആ​സ്വ​ദി​ക്കാ​ൻ ഇ​വി​ടെ എ​ത്തു​ന്നു.