ഒടുവിൽ ജിദ്ദ ഇന്ത്യൻ സ്​കൂൾ കെട്ടിടം ഒ​ഴിയാൻ തീരുമാനം

ജിദ്ദ: കെട്ടിട വാടകയുമായി ബന്ധപ്പെട്ട പ്രശ്​നത്തിന്​ പരിഹാരമാവാത്ത സാഹചര്യത്തിൽ ജിദ്ദയിലെ ഇൻറർനാഷനൽ ഇന്ത്യൻ സ്​കൂൾ ബോയ്​സ്​ സെക്​ഷൻ ഇനി മുതൽ ഷിഫ്​റ്റ്​ സ​മ്പ്രദായത്തിൽ ഗേൾസ്​ വിഭാഗത്തിൽ പ്രവർത്തിക്കുമെന്ന്​ പ്രിൻസിപ്പൽ അറിയിച്ചു. 11,12 ക്ലാസുകളിലെ വിദ്യാർഥികൾക്ക്​ ഫസ്​റ്റ്​ ടേം പരീക്ഷയും ആറ്​ മുതൽ പത്ത്​ ക്ലാസുകളിൽ അർധ വാർഷിക പരീക്ഷയും നടക്കുന്നതിനാൽ ആൺകുട്ടികളുടെ പരീക്ഷ ഞായറാഴ്​ച മുതൽ ഗേൾസ്​ വിഭാഗത്തിൽ വെച്ചു നടത്തും.

പെൺകുട്ടികൾക്ക്​ രാവിലെ 7.15 മുതൽ 10.45 വരെയും ആൺകുട്ടികൾക്ക്​ ഉച്ചക്ക്​ 1.30 മുതൽ അഞ്ച്​ വരെയുമായിരിക്കും പരീക്ഷ.​ ഒന്നു മുതൽ അഞ്ച് ​വരെ (ബോയ്​സ്, ഗേൾസ്​ സെക്​ഷനുകൾ) ഒക്​ടോബർ ഏഴ്​ മുതൽ 11 വരെ ഉണ്ടായിരിക്കില്ല. അതേ സമയം കെ.ജി ക്ലാസുകൾ പതിവു പോലെ പ്രവർത്തിക്കും. ഒന്നു മുതൽ അഞ്ച്​ വരെ ബോയ്​സ്​, ഗേൾസ്​ വിഭാഗം ക്ലാസുകൾ ഒക്​ടോബർ 14^ന്​ പുനഃരാരംഭിക്കും. സമയം പിന്നീട്​ അറിയിക്കുമെന്ന്​ സർക്കുലറിൽ അറിയിച്ചു. സകൂൾ കെട്ടിടം ഒക്​ടോബർ ഒമ്പതിന്​ മുമ്പ്​ ഒഴിയണമെന്ന കോടതി ഉത്തരവി​​​െൻറ​ നോട്ടിസ്​ കഴിഞ്ഞ ദിവസം സ്​കൂൾ ഗേറ്റിൽ പതിച്ചിരുന്നു. കെട്ടിട ഉടമയുമായും അദ്ദേഹത്തി​​​െൻറ അഭിഭാഷകനുമായും പ്രശ്​നം രമ്യമായി പരിഹരിക്കാൻ സ്​കൂൾ അധികൃതർ ചർച്ച നടത്തിയിരുന്നു. പ്രശ്​നത്തിന്​ പരിഹാരമുണ്ടാവുമെന്ന്​ ഉറപ്പില്ലാത്ത സാഹചര്യത്തിലാണ്​ പ്രിൻസിപ്പലി​​​െൻറ സർക്കുലർ.