ജിദ്ദ കേന്ദ്രീകരിച്ച്​​ തട്ടിപ്പ്​: 15 പാക്​ സ്വദേശികൾ അറസ്​റ്റിൽ

ജിദ്ദ: മൊബൈൽ ഫോൺ വഴി വ്യാജ സന്ദേശം നൽകി ആളുകളുടെ അക്കൗണ്ട്​ നമ്പർ വാങ്ങി പണം തട്ടിയ കേസിൽ പ്രതികളായ 15 പാക്​ സ ്വദേശികളെ പൊലീസ്​ അറസ്​റ്റ്​ ചെയ്​തു. ഹൈപ്പർമാർക്കറ്റ്​ ഉൾപെടെ വിവിധ സ്​ഥാപനങ്ങളിൽ നിന്നാണെന്ന വ്യാജേന​ ആളുകളെ മൊബൈൽ ഫോണിൽ ബന്ധപ്പെട്ട്​ സമ്മാനങ്ങൾ അടിച്ചുവെന്ന്​ പറയുകയും ബാങ്ക്​ അക്കൗണ്ട്​ നമ്പറുകളും എടി.എം കാർഡ്​ നമ്പറും പിൻനമ്പറും വാങ്ങി അക്കൗണ്ടുകളിൽ നിന്ന്​ പണം വലിക്കുകയുമായിരുന്നു ഇവരുടെ രീതി. നിരവധിപേരാണ്​ സംഘത്തി​​​െൻറ തട്ടിപ്പിൽ കുടുങ്ങിയിരുന്നത്​. പോലീസ്​ നടത്തിയ വിശദാന്വേഷണത്തിലാണ്​ കേസിന്​ തുമ്പ്​ ലഭിച്ചത്​. ഒടുവിൽ നാടകീയമായി പൊലീസ്​ ഇവരെ വലയിലാക്കുകയായിരുന്നു. പ്രതികളിൽ നിന്ന്​ ആളുകളെ പറ്റിക്കാനുപയോഗിച്ച സിംകാർഡുകൾ ഉൾപെടെ പിടി കുടിയിട്ടുണ്ട്​.