ചൈനീസ്​ പുരാവസ്​തു പ്രദർശനത്തിൽ മിന്നുന്നത്​ ‘ടെറാക്കോട്ട ഭടന്മാർ’

റിയാദ്​: റിയാദ്​ നാഷനൽ മ്യൂസിയത്തിൽ നടക്കുന്ന ചൈനീസ്​ പുരാവസ്​തു മേളയിലെ മിന്നും താരങ്ങൾ ‘ടെറാക്കോട്ട ഭടന്മാരാ’ണ്​. ചൈനയിലെ 13 പ്രമുഖ മ്യൂസിയങ്ങളിൽ നിന്നെത്തിയ 250ഒാളം ചരിത്രാവശിഷ്​ടങ്ങളിൽ സന്ദർശകരെ ഏറെയും ആകർഷിക്കുന്നത്​ 1974ൽ ഴാങ്​സി പ്രവിശ്യയിൽ നിന്ന്​ കണ്ടെത്തിയ ഇൗ പൂർണകായ പ്രതിമകളാണ്​. ബി.സി 220ൽ ആദ്യ ചൈനീസ്​ ചക്രവർത്തിയായിരുന്ന ക്വിൻ ഷി ഹുവാങ്ങി​​​െൻറ മൃതദേഹത്തോടൊപ്പം കുഴിച്ചിടപ്പെട്ട സൈനീക രൂപങ്ങളാണ്​ ഇവ.

ചക്രവർത്തിയുടെ മരണാനന്തര ജീവിതത്തിലെ പരിചാരകരായി​ അക്കാലത്തെ ചൈനീസ്​ വിശ്വാസപ്രകാരം​ കുഴിച്ചിടപ്പെട്ടതാണ്​ ഇൗ ടെറാക്കോട്ട ശിൽപങ്ങൾ. 8,000 സൈനിക പ്രതിമകൾ, 130 രഥങ്ങൾ, 520 കുതിരരൂപങ്ങൾ എന്നിവയാണ്​ ചക്രവർത്തിയോടൊപ്പം കുഴിച്ചിടപ്പെട്ട നിലയിൽ​ പുരാതന ശ്​മശാനത്തിൽ നിന്ന്​ കണ്ടെത്തിയത്​. സൈനീകരുടെ റാങ്ക്​ അനുസരിച്ചാണ്​ പ്രതിമകളുടെ ഉയരം നിശ്ചയിച്ചിരുന്നത്​. ഇതിൽ സീനിയർ ജനറലി​​​െൻറ രൂപമാണ്​ റിയാദിൽ പ്രദർശിപ്പിച്ചവയിലെ ഏറ്റവും ഉയരമുള്ള പ്രതിമ. 199 സ​​െൻറി​ മീറ്റർ ഉയരമാണ്​ ഇതിനുള്ളത്​. ഭടന്മാരുടെ പ്രതിമകൾ നാലെണ്ണവും രഥങ്ങളിൽ ഒന്നും ഒരു കുതിരയും റിയാദിൽ എത്തിയിട്ടുണ്ട്​.

കൃഷിക്കുവേണ്ടി കിണർ കുഴിക്കുന്നതിനിടയിൽ ഴാങ്​സി മേഖലയിലെ കർഷകരാണ്​ ഇൗ പുരാതന ശേഷിപ്പുകൾ കണ്ടെത്തിയത്​. പിൽക്കാലത്ത്​ ലോകത്തെ ഏറ്റവും വലിയ പുരാവസ്​തു കണ്ടെത്തലുകളിൽ ഒന്നായി ഇത്​ മാറി. ഇൗ സ്ഥലം പിന്നീട്​ ഒരു മ്യൂസിയമാക്കി മാറ്റുകയും ലോകമെങ്ങും നിന്നുള്ള കൂടുതൽ ആളുകൾ സന്ദർശിക്കുന്ന പ്രധാന കാഴ്​ച ബംഗ്ലാവുകളിൽ ഒന്നായി മാറുകയും ചെയ്​തു. ഇന്ത്യൻ പ്രധാനമന്ത്രി നരേന്ദ്ര മോദി ഉൾപ്പെടെ ലോകനേതാക്കളും ഇവിടം സന്ദർശിച്ചിട്ടുണ്ട്​. ടെറാക്കോട്ട ഭടന്മാരോടൊപ്പം നിന്നുള്ള മോദിയുടെ ചിത്രങ്ങൾ അന്ന്​ വൈറലായിരുന്നു. ലോകത്തി​​​െൻറ മുക്കുമൂലകളിൽ നിന്ന്​ സഞ്ചാരികൾ ഇൗ പ്രതിമകളെ കാണാൻ ചൈനയിലേക്ക്​ പോകു​േമ്പാൾ സൗദിയിലുള്ളവർക്ക്​ തൊട്ടുമുന്നിലെത്തിയിരിക്കുകയാണ്​ അവ. പൗരാണിക വിസ്​മയ നിർമിതികൾ കാണാനുള്ള സുവർണാവസരമാണ്​ റിയാദ്​ മ്യൂസിയത്തിൽ ഒരുക്കിയിരിക്കുന്നത്​.

ലോകപര്യടനം നടത്താറുള്ള ചൈനയുടെ സഞ്ചരിക്കുന്ന മ്യൂസിയമാണ്​ റിയാദിലെത്തിയിരിക്കുന്നത്​. ചരിത്രപര്യവേഷണ ​രംഗത്തെ സൗദി ^ ചൈന സഹകരണത്തി​​​െൻറ ഭാഗമായാണ്​ സൗദിയിൽ ആദ്യമായി ചൈനീസ്​ പുരാവസ്​തു പ്രദർശനം സംഘടിപ്പിച്ചത്​. 3,000 വർഷം പഴക്കമുള്ള പൗരാണിക ശേഷിപ്പുകളും ബീജിങ്​ നഗരത്തിലെ അതിപ്രശസ്​തമായ ‘ഫോർബിഡൻ സിറ്റി’യുടെ മാതൃകയും അവിടെനിന്നുള്ള വസ്​തുങ്ങളും പ്രദർശിപ്പിച്ചിട്ടുണ്ട്​​. സെപ്​റ്റംബർ 12ന്​ സൗദി കമീഷൻ ഫോർ ടൂറിസം ആൻഡ്​ നാഷനൽ ഹെരിറ്റേജ്​ പ്രസിഡൻറ്​ അമീർ സുൽത്താൻ ബിൻ സൽമാനും റിയാദിലെ ചൈനീസ്​ അംബാസഡർ ലി ഹുവാക്​സിനും ചേർന്നാണ്​​ ഉദ്​ഘാടനം ചെയ്​തത്​. ‘ട്ര​ഷറേഴ്​സ്​ ഒാഫ്​ ചൈന’ എന്ന ശീർഷകത്തിലെ മേള നവംബർ 23 വരെയുണ്ടാകും. രാവിലെ എട്ട്​ മുതൽ രാത്രി എട്ടുവരെയാണ്​ സന്ദർശന സമയം. സന്ദർശനം പൂർണമായും സൗജന്യമാണ്​.