റിയാദിലെ പവർ സ്​റ്റേഷനിൽ വൻ അഗ്​നിബാധ

റിയാദ്​: റിയാദിലെ പവർ സ്​റ്റേഷനിൽ വൻ അഗ്​നിബാധ. തിങ്കളാഴ്​ച അൽനാഫിൽ ഡിസ്​ട്രിക്​റ്റിലെ പ്ലാൻറിലുണ്ടായ തീപിടിത്തത്തെ തുടർന്ന്​ മേഖല​യിൽ വൈദ്യുതി ബന്ധം വിഛേദിച്ചു. ഒരു ട്രാൻസ്​ഫോർ പൊട്ടിത്തെറിച്ചാണ്​ അപകടം. അന്തരീക്ഷത്തിൽ 10 മീറ്ററോളം ഉയരത്തിൽ തീഗോളങ്ങൾ ആളിയുയർന്നു. പ്രദേശം മുഴുവൻ കരിംപുകയാൽ മൂടി.

അഗ്​നിശമന സേന കഠിനപ്രയത്​നം നടത്തി തീയെ നിയന്ത്രണവിധേയമാക്കി. ആളപായത്തിനിടയായി​ട്ടില്ലെന്നും ട്രാൻസ്​പോർമറിൽ തീ കണ്ട ഉടൻ പ്രദേശത്തെങ്ങും വൈദ്യുതി ബന്ധം വിഛേദിച്ചതിനാൽ ദുരന്തത്തി​​​െൻറ വ്യാപ്​തി കുറയ്​ക്കാൻ സാധിച്ചെന്നും സൗദി ഇലക്​ട്രിസിറ്റി കമ്പനി വൃത്തങ്ങൾ അറിയിച്ചു. അഗ്​നിസുരക്ഷാ മാർഗങ്ങളിൽ തകരാർ ശ്രദ്ധയിൽ പെട്ടതിനാൽ ഇൗ പവർ സ്​റ്റേഷ​​​െൻറ പ്രവർത്തനം തൽക്കാലത്തേക്ക്​ മരവിപ്പിച്ചെന്നും സ്​റ്റേഷ​​​െൻറ പരിധിയിൽ വരുന്ന പ്രദേശങ്ങളിൽ ഭാഗികമായി വൈദ്യുതി തടസ്സം നേരിടുമെന്നും വൈകാതെ പരിഹരിക്കുമെന്നും അറിയിപ്പിൽ പറഞ്ഞു.