ഹജ്ജ് വളണ്ടിയർ അനുമോദനവും സി.എച്ച് അനുസ്മരണവും

ജിദ്ദ: മിനയിൽ ഹാജിമാർക്ക് സ്തുത്യർഹ സേവനം ചെയ്ത കോട്ടക്കൽ മണ്ഡലം കെ.എം.സി.സി ഹജ്ജ് വളണ്ടിയർമാരെ മണ്ഡലം കമ്മിറ്റി അനുമോദിച്ചു. മലപ്പുറം ജില്ല കെ.എം.സി.സി പ്രസിഡൻറ് വി.പി മുസ്തഫ ഉദ്ഘാടനം ചെയ്തു. മണ്ഡലം പ്രസിഡൻറ് കെ.എം മൂസ ഹാജി അധ്യക്ഷത വഹിച്ചു.
ജില്ല കെ.എം.സി.സി ജനറൽ സെക്രട്ടറി മജീദ് കോട്ടീരി , ജിദ്ദ കെ.എം.സി.സി വളണ്ടിയർ ക്യാപ്റ്റൻ വി.പി ഉനൈസ്, മലപ്പുറം ജില്ല കോ ഓർഡിനേറ്റർ മജീദ് അരിമ്പ്ര, ഇസ്മായിൽ മുണ്ടുപറമ്പ് തുടങ്ങിയവർ ഉപഹാരങ്ങൾ വിതരണം ചെയ്തു.

നാണി മാസ്​റ്റർ സി.എച്ച്​ അനുസ്മരണ പ്രഭാഷണം നടത്തി. മുഹമ്മദ് കല്ലിങ്ങൽ, മൊയ്‌തീൻ എടയൂർ, അൻവർ പുവ്വല്ലൂര്, മുഹമ്മദലി ഇരണിയൻ, റസാഖ് വെണ്ടല്ലൂർ, അഷ്‌റഫ് മേലേതിൽ, ടി.ടി ഷാജഹാൻ, ടി.കെ അൻവർ സാദത്ത്​, ഷംസുദ്ദീൻ കാവുങ്ങൽ, അഹമദ് കുട്ടി, സി.കെ. കുഞ്ഞുട്ടി, ജാഫർ നീറ്റുകാട്ടിൽ, മുഹമ്മദ് റാസിൽ, ഹംദാൻ ബാബു, കുഞ്ഞാലി കുമ്മാളിൽ, നിഷാം അലി, ആബിദ് തയ്യിൽ, കെ.പി. സമദലി തുടങ്ങിയവർ സംസാരിച്ചു. ഹബീബ് കോട്ടക്കൽ ഖിറാഅത്ത് നടത്തി. ജനറൽ സെക്രട്ടറി നാണി ഇസ്ഹാഖ് സ്വാഗതവും ട്രഷറർ ഇബ്രാഹിം ഹാജി വളാഞ്ചേരി നന്ദിയും പറഞ്ഞു.