മദീനയിൽ കിങ്​ സൽമാൻ കോൺഫറൻസ്​ ഹാൾ സൽമാൻ രാജാവ്​ ഉദ്​ഘാടനം ചെയ്​തു

മദീന: പ്രവാചകനരിയിൽ സജ്ജമാക്കിയ കിങ്​ സൽമാൻ കോൺഫറൻസ്​ സ​​െൻറർ ഉദ്​ഘാടനം സൽമാൻ രാജാവ്​ നിർവഹിച്ചു.​ 2500 പേർക്ക്​ ഇരിക്കാൻ സൗകര്യമുള്ള സമ്മേളന ഹാളിൽ അത്യാധുനിക സംവിധാനങ്ങൾ സജ്ജമാണ്​. കേന്ദ്രത്തിലെത്തിയ സൽമാൻ രാജാവിനെ മേഖല ഗവർണർ അമീർ ഫൈസൽ ബിൻ സൽമാൻ, ഡെപ്യൂട്ടി ഗവർണർ അമീർ സഉൗദ്​ ബിൻ ഖാലിദ്​ അൽഫൈസൽ, ആഭ്യന്തര മന്ത്രി അമീർ അബ്​ദുൽ അസീസ്​ ബിൻ സഉൗദ്​, ധനകാര്യമന്ത്രി മുഹമ്മദ്​ അൽജദ്​ആൻ എന്നിവർ ചേർന്നു സ്വീകരിച്ചു. ധനകാര്യമന്ത്രി പദ്ധതി വിശദീകരിച്ചു.

മൊത്തം 91000 ചതുരശ്ര മീറ്റർ ഭൂമിയിലാണ്​ ​ കേന്ദ്രം സ്​ഥിതി ചെയ്യുന്നത്​. കെട്ടിടത്തിന്​ 60000 ചതുരശ്ര മീറ്റർ വിസ്​തൃതിയുണ്ട്​. 2500 പേർക്ക്​ ഇരിക്കാവുന്ന ഗാലറി, 500 പേരെ ഉൾക്കൊള്ളാവുന്ന മൂന്ന്​ ഹാളുകൾ, മീറ്റിങ്​ റൂമുകൾ, മീഡിയാ സ​​െൻറർ, ഒാഫീസ്​, 1200 വാഹനങ്ങൾക്ക്​ പാർക്കിങ്​ സൗകര്യം എന്നിവയോട്​ കൂടിയാണ്​ പണി കഴിപ്പിച്ചിരിക്കുന്നത്​. മസ്​ജിദുന്നബവിയിൽ നിന്ന്​ ആറ്​ മീറ്ററും വിമാനത്താവളത്തിൽ നിന്ന്​ 12 കിലോമീറ്ററും അകലെയാണ് ഹാൾ​​. ജലശുദ്ധീകരണ, വൈദ്യുതി ഉൽപാദന മൂന്നാംഘട്ട പദ്ധതി, മസ്​ജിദുന്നബവി ​​​​കെട്ടിടനിർമാണ വിജ്​ഞാനകോശം, കിങ്​ ഫൈസൽ സ്​പെഷ്യാലിറ്റി ആശുപത്രി എന്നിവയും സൽമാൻ രാജാവ്​ ഉദ്​ഘാടനം ചെയ്​തു.